ရန်ကုန်မြို့တွင်း ပြေးဆွဲနေသည့် YBS စည်းကမ်းမဲ့ယာဉ်မောင်းများအား Traffic Control Center မှ Telematics စက်များ၊ CCTV record မှတ်တမ်းများဖြင့် အရေးယူဆောင်ရွက်နေကြောင်း ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC) ဒုတိယဥက္ကဋ္ဌ ဦးချစ်ကိုကိုက ပြောသည်။
အရေးယူမှုများတွင် ကားအချင်းချင်း ယှဉ်ပြိုင်ကျော်တက်မောင်းနှင်ခြင်း၊ ဘေးတံခါးဖွင့်၍ မောင်းနှင်ခြင်း၊ လမ်းပြောင်းပြန် မောင်းနှင်ခြင်း၊ မီးနီဖြတ်မောင်းနှင်ခြင်း စသည်တို့ကို အဓိကထား အရေးယူနေသည်ဟုလည်း သိရသည်။
ယင်းကဲ့သို့မောင်းနှင်မှုများကြောင့်လည်း ယာဉ်မတော်တဆမှုများ ပိုမိုဖြစ်ပွါးမှုကို ကာကွယ်နိုင်ရန် စောင့်ကြည့်အရေး ယူနေခြင်းဖြစ်ကာ ပြီးခဲ့သည့် ၂၀၂၃ ခုနှစ်၌ YBS ယာဉ်မတော်တဆမှုကြောင့် ဒဏ်ရာရရှိသူ (၁၂၇) ဦး၊ ေ-သဆုံးသူ (၃၅) ဦးအထိရှိခဲ့သည်။
ထို့ပြင် ယခုနှစ် (၈)လတာအတွင်း မဆင်မခြင်မောင်းနှင်ကာ စည်းကမ်းဖောက်ပျက်မှု (၄၀၀၀၀)ကျော်ရှိနေကာ အများအားဖြင့် ယှဉ်ပြိုင်ကျော်တက်မောင်းနှင်မှု၊ မီးနီဖြတ်မောင်းနှင်မှု၊ ဘေးတံခါးဖွင့်မောင်းနှင်မှုနှင့် သတ်မှတ်လမ်းကြောင်းအတိုင်း မမောင်းနှင်မှုများ ဖြစ်ခဲ့သည်ဟု ဆိုသည်။
ရန်ကုန်မြို့တွင်း၌ နေ့စဉ်ဘတ်စ်ကားယာဉ်လိုင်း (၁၃၁) လိုင်း၊ ယာဉ်အစီးရေ (၃၈၀၀) ခန့်ဖြင့်ခရီးသည် (၁.၄) သန်းခန့်ကို ဝန်ဆောင်မှုပေးလျက်ရှိနေခြင်း ဖြစ်သည်။
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
-
ဖွံ့ဖြိုးမှုအနည်းဆုံးနိုင်ငံများ (LDC) တွင် မြန်မာနိုင်ငံသည် နိုင်ငံခြား တိုက်ရိုက်ရင်းနှီးမြှုပ်နှံမှု အများဆုံး ရရှိခဲ့ပြီး မကြာမီ LDC စာရင်းဝင်နိုင်ငံအဖြစ်မှ လွတ်မြောက်တော့မည်ဟု ကုလသမဂ္ဂ အစီရင်ခံစာ၌ ဖော်ပြ
-
ဟေတီတွင် ရာဇဝတ်ဂိုဏ်းများနှင့် ဆက်နွှယ်သည့် အကြမ်းဖက်မှုများကြောင့် လူ ၂၀,၀၀၀ ကျော် ဘေးလွတ်ရာထွက်ပြေးတိမ်းရှောင်
