တောင်အာဖရိကတွင် မွေးဖွားခဲ့သည့် လက်ရှိ ကမ္ဘာ့အချမ်းသာဆုံးပုဂ္ဂိုလ် အီလွန်မာ့စ်သည် စွန့်ဦးတီထွင် ကုမ္ပဏီတစ်ခု စတင်ထူထောင်သည့် ၁၉၉၀ ပြည့်နှစ် ကာလများက အမေရိကန်တွင် တရားမဝင် ယာယီအလုပ် လုပ်ခဲ့ဖူးကြောင်း ၀ါရှင်တန်ပို့စ် သတင်းစာက အောက်တိုဘာ ၂၆ ရက်တွင် ဖော်ပြခဲ့သည်။
မာ့စ်သည် စတန်းဖို့တက္ကသိုလ်ကို တက်ရောက်ရန် ၁၉၉၅ ခုနှစ်က ကယ်လီဖိုးနီးယားပြည်နယ် ပါလိုအယ်လ်တိုမြို့သို့ ရောက်ရှိခဲ့သော်လည်း ထိုတက္ကသိုလ်တွင် တက်ခဲ့ခြင်းမရှိကြောင်း သတင်းတွင်ဖော်ပြထားသည်။
ထိုနောက်သူသည် Zip2 အမည်ရှိ ဆော့ဖ်ဝဲကုမ္ပဏီတစ်ခုကို ထူထောင်ခဲ့ကာ ထိုကုမ္ပဏီကို ၁၉၉၉ ခုနှစ်တွင် ဒေါ်လာသန်း ၃၀၀ နှင့် ရောင်းချခဲ့သည်ဟု ဆိုသည်။
မာ့စ်သည် ကျောင်းသားတစ်ဦးအဖြစ် တရားဝင် အလုပ်လုပ်ခွင့်ကို ရရှိရန် တက္ကသိုလ်တွင် ကျောင်း အပ်နှံရန် လိုအပ်ခဲ့ဖွယ်ရှိကြောင်း လူဝင်မှုရေးရာ ဥပဒေကျွမ်းကျင်သူနှစ်ဦးက ပြောကြားခဲ့သည်ဟု ၀ါရှင်တန်ပို့စ်သတင်းစာက ဖော်ပြခဲ့သည်။
ထိုသတင်းနှင့်ပတ်သက်ပြီး မာ့စ်ပိုင်ဆိုင်သည့် ကုမ္ပဏီလေးခုုဖြစ်သည့် SpaceX၊ Tesla၊ X နှင့် The Boring ကုမ္ပဏီနှင့် မာ့စ်၏ ရှေ့နေဖြစ်သူ အဲလက်စပီရိုတို့ကို မှတ်ချက်ပေးရန် တောင်းဆိုခဲ့သော်လည်း တုံ့ ပြန်ခဲ့ခြင်းမရှိပေ။
Ref:AFP
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
