ရီးယဲလ်မက်ဒရစ်အသင်း၏ ခရိုအေးရှားကွင်းလယ်လူ လူကာမိုဒရစ်က အသင်းတွင်ကစားသမားဘဝကုန်ဆုံးသည်အထိ ကစားသွားလိုကြောင်း ပြောကြားခဲ့သည်။
အသက် (၃၃) နှစ်အရွယ်ရှိ မိုဒရစ်သည် ရီးယဲလ်အသင်းကို ၂၀၁၂ ခုနှစ်က စပါးအသင်းမှ ပေါင်သန်း (၃၀) ဖြင့်ပြောင်းရွှေ့ခဲ့သူဖြစ်ပြီး အသင်းနှင့်အတူ အောင်မြင်မှုများစွာရယူနိုင်ခဲ့သူဖြစ်သည်။
ဒီဇင်ဘာ (၃) ရက်နေ့က Ballon d'Or ဆုကို ရရှိခဲ့သည့် မိုဒရစ်က '' ရီးယဲလ်အသင်းနဲ့ ကျွန်တော်တို့ ချုပ်ဆိုထားတဲ့ စာချုပ်ဟာ (၂) နှစ်သက်တမ်းကျန်ပါသေးတယ်။ ပြီးတော့ အဲဒီစာချုပ်ကို တစ်နှစ်ထပ်တိုးခွင့်လည်းရှိပါတယ်။ ဒီအသင်းမှာ ကျွန်တော်ဟာ ပျော်ရွှင်နေပြီး အသင်းတာဝန်ရှိသူတွေနဲ့ ပရိသတ်တွေကလည်း ကျွန်တော့်ကို တန်ဖိုးထားကြပါတယ်။ ကျွန်တော့်မိသားစုကလည်း မက်ဒရစ်မြို့မှာ ပျော်ရွှင်နေပါတယ်။ ဒါကြောင့် ကျွန်တော့်အနေနဲ့ ဒီအသင်းမှာပဲ ဆက်ကစားပြီးအောင်မြင်မှုတွေရရှိဖို့ ကြိုးစားသွားမှာပါ'' ဟုဆိုခဲ့သည်။
မိုဒရစ်သည် ရီးယဲလ်အသင်းမှထွက်ခွာကာ စီးရီးအေကလပ် အင်တာမီလန်အသင်းသို့ ပြောင်းရွှေ့ဖွယ်ရှိသည်ဟု ပြီးခဲ့သည့်နွေရာသီအပြောင်းအရွှေ့က သတင်းများထွက်ပေါ်ခဲ့သည်။
သို့သော် မိုဒရစ်၏ ယခုပြောစကားကြောင့် အဆိုပါသတင်းများကို ငြင်းပယ်ပြီးသားဖြစ်သွားခဲ့သည်။ ထို့ပြင် မိုဒရစ်က Ballon d'Or ဆုရရှိခဲ့သည့်အတွက် အလွန်ဝမ်းသာကြောင်းနှင့် ဂရီးဇ်မန်းနှင့် ဘာပေတို့က ၄င်းကို ဂုဏ်ပြုခဲ့ကြကြောင်း ပြောကြားခဲ့သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
