ဗီယက်နမ် ၂-၁ ဖိလစ်ပိုင်
၂၀၁၈ အာဆီယံဆူဇူကီးပြိုင်ပွဲရဲ့ဆီမီးဖိုင်နယ်ဒုတိယပွဲစဉ်မှာတော့ အိမ်ရှင်ဗီယက်နမ်အသင်းဟာ ပထမအကျော့ကရလဒ်အတိုင်း ဖိလစ်ပိုင်ကို (၂-၁)ဂိုးနဲ့အနိုင်ယူပြီး နှစ်ကျော့ပေါင်း (၄-၂)ရလဒ်နဲ့ ဗိုလ်လုပွဲတက်လှမ်းနိုင်ခဲ့ပါတယ်။
ဗီယက်နမ်အသင်းဟာ ပထမအကျော့အဝေးကွင်းမှာ အနိုင်ရထားပေမယ့် ဒီပွဲမှာလည်း အဓိကကစားသမားတွေကို အသုံးပြုပြီး ဖိလစ်ပိုင်အသင်းကို ရင်ဆိုင်ခဲ့ပါတယ်။ ၀ါရင့်နည်းပြ အဲရစ်ဆင်ကိုင်တွယ်နေတဲ့ ဖိလစ်ပိုင်ကတော့ ဒီပွဲမှာ ရလဒ်ကောင်းဖို့ မျှော်လင့်ပြီး အားကုန်ထုတ်ကစားခဲ့တာ တွေ့ရပါတယ်။
ဒါကြောင့်လည်း ဗီယက်နမ်အသင်းအနေနဲ့ ကစားကွက်ပိုင်းအသာစီးပေမေယ့် ဂိုးရဖို့ခက်ခဲနေခဲ့တယ်။ ဗီယက်နမ်အတွက် အနိုင်ဂိုးတွေကိုတော့ ပွဲချိန် (၈၃)မိနစ်နဲ့ (၈၇)မိနစ်တွေမှာ ကွင်းလယ်လူ ငုရင်ကောင်ဟိုင် နဲ့ တိုက်စစ်ကစားသမား ငုရင်ဟောင်ကောင်တို့က သွင်းယူပေးခဲ့တာပါ။ ဖိလစ်ပိုင်အသင်းအတွက် ချေပဂိုးကိုတော့ ပွဲချိန် (၈၉)မိနစ်မှာ ယန်ဟတ်ဘန့်က သွင်းယူပေးခဲ့ပါတယ်။
ဗီယက်နမ်အသင်းဟာ ဒီနိုင်ပွဲကြောင့် ၂၀၀၈ ခုနှစ်နောက်ပိုင်း ချန်ပီယံအိပ်မက်ကို ပြန်လည်အသက်သွင်းနိုင်ခဲ့ပြီး ၂၀၁၀ ခုနှစ်မှာ ချန်ပီယံဖြစ်ခဲ့ဖူးတဲ့ မလေးရှားအသင်းနဲ့ ရင်ဆိုင်ကစားရပါတော့မယ်။
ဒီဗိုလ်လုပွဲစဉ်ကိုတော့ လာမယ့် ဒီဇင်ဘာ (၁၁)ရက်မှာ ပထမအကျော့ကို မလေးရှားမှာကစားသွားမှာဖြစ်ပြီး ဒုတိယအကျော့ကိုတော့ ဒီဇင်ဘာ (၁၅)ရက်မှာ ကစားသွားမှာဖြစ်ပါတယ်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
