မန်စီးတီးအသင်းက ခေါ်ယူရန်ပစ်မှတ်ထားခြင်းခံနေရသည့် အေဂျက်စ်လူငယ်ကွင်းလယ်ကစားသမား ဖရန်ကီဒီယွန်းက ၎င်း၏အနာဂတ်နှင့် ပတ်သက်ပြီး အတိအကျမပြောနိုင်သေးကြောင်း ဝန်ခံပြောကြားခဲ့သည်။
အသက် (၂၁)နှစ်အရွယ်ရှိ နယ်သာလန်ကွင်းလယ်လူ ဖရန်ကီဒီယွန်းအား ခေါ်ယူရန် မန်စီးတီးအသင်းအပါအဝင် ဥရောပထိပ်တန်းအသင်းကြီးများဖြစ်သည့် ဘာစီလိုနာနှင့် PSG အသင်းတို့ကလည်း စိတ်ဝင်စားနေကြောင်း သိရသည်။
ဖရန်ကီဒီယွန်းက မန်စီးတီးအသင်းနည်းပြ ဂွါဒီယိုလာ၏ နည်းစနစ်နှင့် ကစားပုံများကို သဘောကျသည်ဟု ဝန်ခံထားပြီး အနာဂတ်နှင့် ပတ်သက်ပြီး ဘာမှသေချာမပြောနိုင်သေးဘဲ ယခုရာသီကို အကောင်းဆုံးဖြတ်သန်းနိုင်ရန် အာရုံစိုက်ထားကြောင်း ပြောကြားခဲ့သည်။
ဖရန်ကီဒီယွန်းက "အနာဂတ်မှာ ဘာတွေဖြစ်လာမယ်ဆိုတာက ပြောရခက်ပါတယ်။ ကျွန်တော်ကတော့ အေဂျက်စ်အသင်းနဲ့ ဒီရာသီကို အကောင်းဆုံးဖြတ်သန်းချင်ပါတယ်။ ဒီရာသီကုန်တော့မှပဲ ဘာဆက်ဖြစ်မယ်ဆိုတာကို ကြည့်ရမှာပါ။ ကျွန်တော် အေဂျက်စ်အသင်းမှာ ဆက်ရှိနိုင်သလို၊ အသင်းပြောင်းတာလည်း ဖြစ်နိုင်ပါတယ်။ ဒါပေမဲ့ ဘာကိုမှ ကျွန်တော် သေချာမပြောနိုင်သေးပါဘူး"ဟု ပြောကြားခဲ့သည်။
ဖရန်ကီဒီယွန်းသည် ယခုရာသီ အေဂျက်စ်အသင်းတွင် ခြေစွမ်းပြကစားနေပြီး နယ်သာလန်လက်ရွေးစင်အသင်းအတွက်လည်း ယခုနှစ်တွင် (၄)ပွဲအထိ ပါဝင်ကစားခွင့်ရရှိခဲ့သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
