စစ်ကိုင်းတိုင်း၊ ကလေးမြို့တွင် ပြီးခဲ့သည့် အောက်တိုဘာ ၂၃ ရက်ည ၆ နာရီခွဲခန့်နှင့် ၈ နာရီခွဲခန့်တို့က ဆပ်ပြာခွက်များအတွင်းထည့်ထားသည့် ငွေကျပ်သိန်း(၄၃၀၀)တန်ဖိုးရှိ ဘိန်းဖြူ(၈ ဒ သမ ၆)ကီလိုကို ဖမ်းဆီးရမိခဲ့ကြောင်း သိရသည်။
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များပါဝင်သောပူးပေါင်းအဖွဲ့သည် ကလေးမြို့၊ တောင်ဇလပ်ရပ်ကွက်၊ နယ်မြေ(၆)၊ အမှတ်(၉) လမ်းတွင် ရိုဒိန်းလျန်နာ မောင်းကာ မောင်မောင်နိုင်ဝင်း(ခ)မောင်နိုင်လိုက်လာသည့် TOYOTA MARK II ကားကိုတားဆီး၍ ရှာဖွေစစ်ဆေးခဲ့ကြသည်။
ထိုသို့ ရှာဖွေရာ ကားပေါ်တွင်တင်လာသည့် ဆပ်ပြာခွက်(၂၀၀)ခွက်အတွင်းထည့်ထားသော ဘိန်း ဖြူ(၂)ကီလိုကိုဖမ်းဆီးရမိခဲ့သဖြင့် စစ်ဆေးမှုများပြုလုပ်ရာ ဘိန်းဖြူများကိုရောင်းချခိုင်းသူ မျိုးကိုဦးနှင့်မဆန်ချင်းတိလ်တို့အား ည ၈ နာရီခွဲတွင်ဆပ်ပြာခွက်(၆၆၀)ခွက်အတွင်းထည့်ထားသည့် ဘိန်းဖြူ(၆ ဒသမ ၆)ကီလိုနှင့်အတူ ထပ်မံဖမ်းဆီးရမိခဲ့ကြောင်း သိရသည်။
စစ်ဆေးချက်များအရ ယင်း ဘိန်းဖြူများကို မန္တလေးမြို့နေ ဖိုးကျော်(ခ)ကျော်ကျော်(ခ)မော်သင်းနှင့် မခင်မိုးနွယ်(ခ)မိုးနွယ်တို့၏ အစီအမံဖြင့် မိတ္တူကူးစက်အဟောင်းများအတွင်းသိုဝှက်၍ ကလေးမြို့သို့သယ်ဆောင်ရောင်းဝယ်ခြင်းဖြစ်ကြောင်း ဖော်ထုတ်သိရှိခဲ့ရသည်။
ထို့ကြောင့် ဘိန်းဖြူများနှင့်အတူ ဖမ်းဆီးရမိသူများအား သက်ဆိုင်ရာရဲစခန်းက မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေ၊ ၎င်းတို့ ပိုင်ဆိုင်မှုများကို ပြည်သူ့ဘဏ္ဍာအဖြစ်သိမ်းဆည်းနိုင်ရန် ငွေကြေးခဝါချမှုတိုက်ဖျက်ရေးဥပဒေတို့ဖြင့်အမှုဖွင့်ကာ ဆက်စပ်ပြစ်မှုကျူးလွန်သူများအား ထပ်မံဖမ်းဆီးရမိရေးအတွက် ဆက်လက်ဆောင်ရွက်လျက်ရှိကြောင်း သိရသည်။
-
မြန်မာနှင့် လက်ဘနွန်အသင်း၏ ခြေစမ်းပွဲလက်မှတ်များ ရောင်းချနေပြီး ရုပ်သံမှ တိုက်ရိုက်ပြသမည်
-
တက်ကျမ်းစာပေ
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
