မန်စီးတီးအသင်းနည်းပြ ပက်ဂွါဒီယိုလာ က မိမိအသင်းအနေဖြင့် ဆာအဲလက်စ်ဖာဂူဆန်မရှိတော့သည့် မန်ယူအသင်းကဲ့သို့ ပြိုလဲသွားမည်မဟုတ်ကြောင်း သုံးသပ်ပြောကြားခဲ့သည်။
မန်ယူအသင်းသည် ဖာဂူဆန်အနားယူသွားသည့် ၂၀၁၃ ခုနှစ်ပိုင်း ပရီးမီးယားလိဂ် ချန်ပီယံဆုနှင့် ဝေးကွာနေသည်မှာ ဆယ်စုနှစ်တစ်ခုကျော် ကြာမြင့်နေပြီဖြစ်သည်။ ဂွါဒီယိုလာမှာလည်း မန်စီးတီးအသင်းနှင့် စာချုပ်နောက်ဆုံးနှစ်သို့ ရောက်ရှိနေပြီး အနာဂတ်ကို နိုဝင်ဘာ နိုင်ငံတကာရက်သတ္တပတ် သို့မဟုတ် လာမည့်နှစ်ဆန်းပိုင်းတွင် ဆုံးဖြတ်ဖွယ်ရှိကြောင်း ခန့်မှန်းထားသည်။
"ယူနိုက်တက်မှာ ဘာတွေဖြစ်ခဲ့လဲဆိုတာ ကျွန်တော်မသိပါဘူး။ တစ်စုံတစ်ဦးထွက်ခွာသွားချိန်မှာ အရာအားလုံးပြုတ်ကျသွားတယ်ဆိုရင် အဲဒါက အသင်းအတွက် ဆိုးရွားတဲ့လက္ခဏာတစ်ခု ဖြစ်စေမှာပါ။ သူတို့ (မန်စီးတီးအသင်း တာဝန်ရှိသူတွေ) အမှားလုပ် ကောင်းလုပ်မိကြလိမ့်မယ်။ ဒါပေမဲ့ အမှားတွေလုပ်နေစဉ်မှာပဲ သူတို့ဖြေရှင်းနိုင်လိမ့်မယ်။ အဲဒီနောက်ပိုင်းမှာ အမှားတွေကို ချက်ချင်းဖြေရှင်းနိုင်မယ်ဆိုတာ သေချာပါတယ်။ သူတို့တွေက ဘာလုပ်ရမလဲဆိုတာကို အတိအကျသိပါတယ်" ဟု ဂွါဒီယိုလာက ဆိုသည်။
ဂွါဒီယိုလာကို မန်စီးတီးအသင်းသို့ခေါ်ယူခဲ့သည့် ဘောလုံးဒါရိုက်တာ ဘီဂီရီစတိန်းမှာလည်း ယခုရာသီကုန်တွင် အသင်းနှင့် လမ်းခွဲတော့မည်ဖြစ်သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
