မြန်မာနိုင်ငံအပေါ် ICJ တရားစွဲဆိုထားမှုနှင့် ပတ်သက်၍ သွားရောက် ဖြေရှင်းနေသော နိုင်ငံတော်၏ အတိုင်ပင်ခံပုဂ္ဂိုလ်နှင့်အတူ ရပ်တည်ထောက်ခံပွဲ ကို မိုးကုတ်မြို့ မုံကွင်းတွင် ယနေ့ (ဒီဇင်ဘာ ၁၂ ရက်) က ပြုလုပ်ခဲ့သည်။
ထောက်ခံပွဲသို့ မိုးကုတ်မြို့တွင် နေထိုင်သော ပြည်သူများနှင့် တိုင်းရင်းသားအဖွဲ့အစည်းများ၊ အစိုးရ ဌာနဆိုင်ရာအဖွဲ့များ၊ လူမှုရေးအဖွဲ့အစည်းများ၊ ကျောင်းသား၊ ကျောင်းသူများ စုပေါင်းပါဝင်ခဲ့ပြီး မုံကွင်းတွင် စုရပ်အဖြစ် ပြုလုပ်ကာ အခမ်းအနားကျင်းပခဲ့သည် ယင်းမှတစ်ဆင့် မိုးကုတ်မြို့အတွင်း စီတန်းလှည့်လည် ထောက်ခံမှုပြုလုပ်ခဲ့သည်။
"ပွဲကို မိုးကုတ်ထာပွဲ ကျောက်ကုန်သည်များအဖွဲ့ကနေ ဦးဆောင်ကျင်းပဖို့ လဆန်းပိုင်းလောက်ကတည်းက စီစဉ်ခဲ့တာပါ။ ဒီအတွက် NLD ပါတီကနေလည်း ပူးပေါင်းလုပ်မယ် ဆိုတဲ့အတွက် ဒီနေ့မှာ လုပ်ဖြစ်တာပါ။ ဒီပွဲမှာ လူမျိုးဘာသာ ဘာတစ်ခုမှခွဲခြားမှု မရှိဘဲနဲ့ နိုင်ငံတော်အတိုင်ပင်ခံပုဂ္ဂိုလ်က သွားရောက်ဖြေရှင်းတဲ့အပေါ် သူ့ဘက်ကနေ ပြည်သူတွေအနေနဲ့ ရပ်တည်ပါတယ်ဆိုတဲ့ ရည်ရွယ်ချက်နဲ့ ဆောင်ရွက်တာဖြစ်တယ်"ဟု မိုးကုတ်ထာပွဲကျောက်ကုန်သည်ပွဲစားများအဖွဲ့ဥက္ကဋ္ဌ ဒေါ်ဖြူဖြူမြင့်က ပြောသည်။
ထောက်ခံပွဲတွင် မိုးကုတ်မြို့တွင် နေထိုင်ကြသော လီဆူ၊ ကိုးကန့်၊ ရှမ်း၊ ဓနု၊ ဂေါ်ရခါး၊ ဟိန္ဒူစသည့် လူမျိုးများ ပါဝင်ထောက်ခံမှုပြုလုပ်ခဲ့ပြီး လူဦးရေ သောင်းချီ တက်ရောက်ထောက်ခံမှု ပြုလုပ်ခဲ့သည်။
"အခုထောက်ခံတာက အမေစု ကိုထောက်ခံတာပါ။ အခုလုပ်ဆောင်နေတဲ့ ICJ ကိုလည်း ကန့်ကွက်တာ မဟုတ်ပါဘူး သူတို့အဖွဲ့အစည်းတွေအနေနဲ့ သူတို့အလုပ် သူတို့လုပ်နေကြတာပါ။ အမေစုအနေနဲ့ နိုင်ငံတော်ရဲ့ အကျိုးစီးပွားအတွက် သွားပြီးတော့ ရှင်းလင်းတင်ပြနေတဲ့အပေါ် အမေစုကို ထောက်ခံတဲ့ပွဲပါ။ ပြည်သူတွေရဲ့ ညီညွတ်မှုကို ဒီပွဲမှာ ပြသတာပါ" မိုးကုတ်မြို့နယ် မဲဆန္ဒနယ် အမှတ် ၂ မှ တိုင်းဒေသကြီး လွှတ်တော်ကိုယ်စားလှယ် ဦးစောသောင်းတင်က ပြောသည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
