စစ်ကိုင်းတိုင်းဒေသကြီး ပုလဲမြို့တွင် ယနေ့ (ဒီဇင်ဘာ ၁၂ ရက်) နံနက်ပိုင်းက မြန်မာနိုင်ငံအပေါ် ICJ တွင် တရားစွဲဆိုထားမှုနှင့် ပက်သက်၍ သွားရောက်ဖြေရှင်းနေသည့် နိုင်ငံတော်၏ အတိုင်ပင်ခံပုဂ္ဂိုလ်အား ရပ်တည်ထောက်ခံပွဲများကို လူဦးရေ ၅၀၀၀ ခန့်ဖြင့် ကျင်းပပြုလုပ်ခဲ့ကြကြောင်း သိရသည်။
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ရပ်တည်ထောက်ခံပွဲ ပြုလုပ်ရခြင်းသည် Gambia နိုင်ငံမှ တရားစွဲဆိုထားမှုကို အတိုင်ပင်ခံကိုယ်တိုင် သွားရောက်ကာ ဖြေရှင်းနေသည့်အပေါ် ရပ်တည်ထောက်ခံသည့်အနေဖြင့် ပြုလုပ်ရခြင်း ဖြစ်ကြောင်း သိရသည်။
"နိုင်ငံတကာက ကျွန်တော်တို့နိုင်ငံကို တရားစွဲဆိုထားတဲ့ ဟာပေါ့နော်။ လူမျိုးသုန်း သတ်ဖြတ်မှုဆိုတာ တကယ်လည်း ကျွန်တော်တို့နိုင်ငံက မကျူးလွန်ခဲ့ဘူး။ ဒီဟာနဲ့ ပက်သက်လို့ ကျွန်တော်တို့ရဲ့ အမေ ဒေါ်အောင်ဆန်းစုကြည် ကိုယ်တိုင်လည်း နယ်သာလန်နိုင်ငံမှာ သွားရှင်းနေတယ်။ ကျွန်တော်တို့ရဲ့ အမေဒေါ်အောင်ဆန်းစုကြည်ကိုယ်တိုင်လည်း နယ်သာလန်နိုင်ငံမှာ သွားရှင်းနေသလို ကျွန်တော်တို့ ပြည်သူတွေကလည်း နောက်ကနေ စုစုစည်းစည်းနဲ့ ရှိနေတယ်ဆိုတာ ကမ္ဘာကိုပြတာပါ။ ဒီအချိန်ဟာ ကျွန်တော်တို့ နိုင်ငံအတွက် အင်မတန် စည်းလုံးရမယ့်အချိန် ဖြစ်ပါတယ်။ အဲဒီတော့ ဒ ီICJ ကိစ္စနဲ့ ပက်သက်ပြီးတော့ ကျွန်တော်တို့က လူမျိုးရေးတွေ ဘာသာရေးတွေ နိုင်ငံရေးတွေ ဘာမှအရောင်တွေ မခွဲခြားပါနဲ့။ ဒီအချိန်ဟာ အရောင်တွေ ခွဲခြားရမယ့်အချိန် မဟုတ်ဘူး။ ကျွန်တော်တို့နိုင်ငံထဲမှာရှိတဲ့ လူမျိုးအသီးသီး ဘာသာအသီးသီး ပါတီအသီးသီး အဖွဲ့အစည်းအသီးသီး ဒါတွေအားလုံး စည်းလုံးဖို့ရာ လိုအပ်ပါတယ်လို့ ပြောချင်ပါတယ်"ဟု ပုလဲမြို့နယ် မဲဆန္ဒနယ်မြေ အမှတ် ၁ တိုင်းဒေသကြီး လွှတ်တော်ကိုယ်စားလှယ် ဦးဇော်ထက်က ပြောကြားသည်။
ပုလဲမြို့၏ ရပ်တည်ထောက်ခံပွဲတွင် စစ်ကိုင်းတိုင်းဒေသကြီး အစိုးရအဖွဲ့ဝင် စည်ပင်သာယာရေးဝန်ကြီး ဦးမြင့်ကြည်၊ ပုလဲမြို့နယ် မဲဆန္ဒနယ်မြေ အမှတ် ၁ တိုင်းဒေသကြီး လွှတ်တော်ကိုယ်စားလှယ် ဦးဇော်ထက်၊ ယင်းမာပင်မြို့နယ် တိုင်းဒေသကြီး လွှတ်တော်ကိုယ်စားလှယ် ဒေါ်အောင်မေရီနှင့် ဒေါ်ခင်နှင်းရီ၊ ဆားလင်းကြီးမြို့နယ် တိုင်းဒေသကြီး လွှတ်တော်ကိုယ်စားလှယ် ဦးစောမောင်တို့လည်း တက်ရောက်ကာ ဝန်းရံခဲ့ကြကြောင်း သိရသည်။
ထို့အပြင် ကျောင်းသူ/သားများ၊ သူနာပြုဆရာမများ၊ ဌာနဆိုင်ရာဝန်ထမ်းများ၊ အရပ်ဘက် အဖွဲ့အစွဲ့အစည်းအချို့၊ နိုင်ငံရေး တက်ကြွလှုပ်ရှားသူများ၊ ပြည်သူလူထုများ လူဦးရေ ၅၀၀၀ ခန့် တက်ရောက်ခဲ့ကြပြီး အလားတူ မြန်မာနိုင်ငံအပေါ် ICJ တွင် တရားစွဲဆိုထားမှုနှင့် ပက်သက်၍ သွားရောက် ဖြေရှင်းနေသည့် နိုင်ငံတော်၏ အတိုင်ပင်ခံပုဂ္ဂိုလ်အား ရပ်တည်ထောက်ခံပွဲကို ပုလဲမြို့အပြင်၊ ကလေးဝမြို့၊ မင်းကင်းမြို့တို့တွင်လည်း ဒီဇင်ဘာလ ၁၂ ရက် နံနက်ပိုင်းက ကျင်းပပြုလုပ်ခဲ့ကြကြောင်း သိရသည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
