တင်းနစ်ကမ္ဘာ့အဆင့်ထိပ်ဆုံး(၁၀)ဦးစာရင်းတွင် စပိန်တင်းနစ်အကျော်အမော် ရာဖေးလ်နဒါးလ်က ရက်သတ္တပတ်(၈၀၀)ဆက်တိုက် စံချိန်တင်ရပ်တည်နိုင်ခဲ့ပြီး စံချိန်သစ်တင်နိုင်ခဲ့ကြောင်း သိရသည်။
နဒါးလ်အနေဖြင့် သူ၏ကစားသမားသက်တမ်းတစ်လျှောက် (၁၅)နှစ်ကျော်အတွင်း ကမ္ဘာ့အဆင့်ထိပ်ဆုံး(၁၀)ဦးစာရင်း၌ ယင်းသို့ ရက်သတ္တပတ်(၈၀၀)ပတ်ဆက်တိုက် ရပ်တည်နိုင်သည့် ပထမဆုံးတင်းနစ်သမားအဖြစ်လည်း မှတ်တမ်းဝင်ခဲ့သည်။
လက်ရှိကမ္ဘာ့အဆင့်(၂)နေရာတွင် ရပ်တည်လျက်ရှိသည့် နဒါးလ်သည် ပြီးခဲ့သည့်နိုဝင်ဘာလအတွင်း အမေရိကန်တင်းနစ်ဂန္ထဝင် ဂျင်မီကောနားစ် တင်ရှိထားသည့် ကမ္ဘာ့ အဆင့်ထိပ်ဆုံး(၁၀)ဦးစာရင်း၌ ရက်သတ္တပတ် (၇၈၉)ပတ်ဆက်တိုက်ရှိနေခဲ့သည့်စံချိန်ကို ချိုးဖျက်ခဲ့ခြင်းဖြစ်သည်။
၎င်းအနေဖြင့် သူရယူထားသည့် ပြင်သစ်အိုးပင်းချန်ပီယံဆု (၁၃)ကြိမ်၏ ပထမဆုံးဆုဖလားမရယူမီ ၂၀၁၅ ခုနှစ် ဧပြီလအတွင်းက ထိပ်ဆုံး(၁၀)ဦးစာရင်းသို့ စတင်ဝင်ရောက်နိုင်ခဲ့သည်။
အသက်(၃၄)နှစ် ရှိပြီဖြစ် သူ နဒါးလ်သည် ဆွစ်ဇာလန်နာမည်ကြီး တင်းနစ် သမား ဖက်ဒါရာတင်ရှိထားသည့် ထိပ်ဆုံး(၁၀)ဦးစာရင်း၌ ရက်သတ္တပတ်(၉၃၁)ပတ်ကြာ ရပ်တည်ခဲ့သည့်စံချိန်ကိုလိုက်မီရန် အချိန် (၂)နှစ်ခွဲကျော် လိုအပ်လျက်ရှိသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
