Top News

အီတလီရဲ့ ကွင်းလယ်ဗိသုကာအသစ် လိုကာတယ်လီ

24htopnews | October 28, 2024 2:12 AM CST

လိုကာတယ်လီက စီးရီးအေကလပ် ဆာဆူအိုလိုအသင်းရဲ့ မရှိမဖြစ်ကွင်းလယ်အသက်သွေးကြောဖြစ်ပါတယ်။ သူက ပြီးခဲ့တဲ့ရာသီမှာ ဆာဆူ အိုလိုအတွက် စီးရီးအေ (၃၄)ပွဲကစား ပေးခဲ့ပြီး (၄) ဂိုးသွင်း၊ ဂိုးဖန်တီးမှု (၂)ကြိမ် ပြုလုပ်ပေးခဲ့တယ်။ တကယ်တော့ သူက ၂၀၁၆-၁၇ ရာသီကတည်းက နေ ပြီးခဲ့တဲ့ ရာသီအထိ (၅)ရာသီဆက် စီးရီးအေ ပွဲ(၂၀)နဲ့အထက် ကစားပေးခဲ့သူပါ။၂၀၁၆ ရာသီမှာ အသက် (၁၈)နှစ်ပဲရှိသေးတဲ့ လိုကာတယ်လီက စီးရီးအေ (၂၅)ပွဲအထိ ပွဲကစားခွင့်ရခဲ့တယ်။ လက်ရွေးစင်အသင်းမှာတော့ သူက ပြီးခဲ့တဲ့ ၂၀၂၀ ခုနှစ်ထဲ ရောက်မှ စတင်ပွဲထွက်ခွင့်ရခဲ့ပါတယ်။ ဒါပေမဲ့ Nations League ပြိုင်ပွဲမှာ ခြေစွမ်းပြနိုင်ခဲ့လို့ နည်းပြမန်စီနီရဲ့ ယုံကြည်မှုကိုရခဲ့တယ်။ လက်ရွေးစင်ကစားသမားသက်တမ်း (၁) နှစ် မပြည့်သေးချိန်မှာ သူက အီတလီအတွက် (၁၁)ပွဲကစားပေးထားပြီး သွင်းဂိုး(၁) ဂိုးသွင်းယူပေးထားတယ်။