စပါးအသင်း၏ နည်းပြဟောင်းတစ်ဦးဖြစ်သည့် မော်ရင်ဟိုက အင်္ဂလန်အသင်းနှင့် ခရိုအေးရှားအသင်းတို့ကစားခဲ့သည့် ယူရိုအဖွင့်ပွဲစဉ်တွင် ဟာရီကိန်း၏ ခြေစွမ်းနှင့် ပတ်သက်သည့် ဝေဖန်မှုများကို ကာကွယ်ပြောဆိုမှုများပြုလုပ်ခဲ့ကြောင်းသိရသည်။
ဟာရီကိန်းသည် ယင်းပွဲတွင် သူ၏ အကောင်းဆုံးပုံစံကို ပြသနိုင်ခဲ့ ခြင်းမရှိဘဲ ဘောလုံးထိချက်မှာလည်း (၂၆)ချက်သာ ရှိခဲ့ရာ အင်္ဂလန်အသင်း၏ ပွဲထွက်ကစားသမားများထဲ တွင် ထိချက်အနည်းဆုံးကစားသမား ဖြစ်ခဲ့သည်။
မော်ရင်ဟိုကမူ "ကျွန်တော့်အမြင်မှာတော့ ဟာရီက သူလုပ်ရမယ့် အလုပ်ထဲက တစ်ဝက်ကိုဘောလုံးမထိဘဲ လုပ်ခဲ့ပါတယ်။ ဒီလိုတိုက်စစ်မှူးမျိုးတွေရှိပါတယ်။ ဘောလုံးနဲ့ ခြေထောက်မထိဘဲ ပြိုင်ဘက်ခံစစ်ကစားသမားတွေကို ဒုက္ခပေးတတ်တဲ့ သူတွေပါ။ ဗီဒါဟာ ရာဟင်းမ်(စတာလင်) ရဲ့ပြေးလမ်းကြောင်းမှာ ရှိနေရမယ့်အစား ဟာရီရဲ့ လှုပ်ရှားမှုမှာ မျောပါသွားခဲ့တယ်။ ပြီးတော့ ကယ်လ်ဗင်ဖီးလစ်ကို ကြည့်ပါ။ သူက ဟာရီလှုပ်ရှားတာကို တွေ့တယ်။ ဟာရီလှုပ်ရှားတဲ့ အတွက် သူ လုပ်စရာ (၂)ခုရှိသွားပြီး ဘောလုံးကို မပေးဘဲ ဟာရီဖန်တီး ပေးခဲ့တဲ့ နေရာလွတ်ထဲကို ဆွဲတက်သွားနိုင်ခဲ့တယ်။ တိုက်စစ်မှူးကောင်းဆိုတာ ဒါပဲ။ ဂိုးမသွင်းနိုင်ရင်တောင် သူတို့က အရေးပါနေဆဲပဲ။ ကာရင်းမ် (ဘန်ဇီမာ) နဲ့ ဟာရီကိန်းတို့က ဒီလိုတိုက်စစ်မှူးတွေဖြစ်ပြီး သူတို့က နံပါတ်(၁၀) တွေဖြစ်သင့်တယ်။ ဘောလုံးမှာတော့ ရွေ့လျားမှုတွေက အရာရာပါပဲ"ဟု ပြောကြားခဲ့သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
