Top News

ဝုလ်ဗ်တောင်ပံကစားသမား ထရာအိုရေးအား ခေါ်ယူရန် ချယ်လ်ဆီးအသင်းနည်းပြ တူဟယ်လ်ပစ်မှတ်ထားနေ

24htopnews | October 28, 2024 2:12 AM CST

ချယ်လ်ဆီးအသင်းနည်းပြ တူဟယ်လ် သည် ဝုလ်ဗ်အသင်းမှ စပိန်တောင်ပံကစားသမား အဒါမာထရာအိုရေးအား ခေါ်ယူရန် ပစ်မှတ်ထားနေကြောင်း သိရှိရသည်။

ချယ်လ်ဆီးအသင်းသည် စီးရီးအေကလပ်အင်တာမီလန် အသင်းမှ မော်ရိုကို ညာနောက်ခံကစားသမား ဟာကီမီအားခေါ်ယူရန် ပေါင် (၅၆)သန်းဖြင့် ကမ်းလှမ်းခဲ့ရာ အင်တာမီလန်အသင်းတာဝန် ရှိသူများက လက်မခံခဲ့ဘဲ ငြင်းဆန်ပယ်ချခဲ့သည်။ သို့ဖြစ်ရာ တူဟယ်လ်သည် ထရာအိုရေးအားခေါ်ယူရန် ပစ်မှတ်ထားနေခြင်းဖြစ် ကြောင်းသိရသည်။

တူဟယ်လ်သည် ချယ်လ်ဆီးအသင်း၏ ညာတောင်ပံအခြမ်းကိုအားဖြည့် ရန်စီစဉ်နေပြီး ညာနောက်ခံကစားသမား ရီးစ်ဂျိမ်းစ်နှင့် ချိတ်ဆက်ကစားမည့် တောင်ပံကစားသမားတစ်ဦးကို ရှာဖွေနေခြင်းဖြစ်သည်။

ထရာအိုရေးသည် ၂၀၁၈ ခုနှစ်တွင် မစ်ဒယ်ဘရော့ အသင်းမှ ဝုလ်ဗ်အသင်းသို့ရောက်ရှိလာသူဖြစ်ပြီး အသင်းအတွက် (၃)ရာသီအတွင်းပြိုင်ပွဲစုံ (၁၃၁)ပွဲကစားကာ (၁၀)ဂိုးသွင်းပေးထားသည်။