ခရီးသွားလာမှု ကသောင်းကနင်းဖြစ်ရပ်များနှင့် နိုင်ငံတော်လုံခြုံရေးအတွက် ခြောက်ချားစေခဲ့သည့် အိန္ဒိယလေကြောင်းလိုင်းများကို ရာနှင့်ချီသော ဗုံးခြိမ်းခြောက်မှုအတုများဖြစ်ခဲ့၍ အရေးယူမည်ဟု ဆိုရှယ်မီဒီယာပလက်ဖောင်းများကို အိန္ဒိယအစိုးရက သတိပေးသည်။
ယင်းခြိမ်းခြောက်မှုများကြောင့် လေယာဉ်များသည် ကနေဒါနှင့် ဂျာမနီနိုင်ငံများသို့ လမ်းကြောင်းပြောင်းခဲ့ရခြင်းနှင့် ဗြိတိန်နှင့် စင်ကာပူ ဝေဟင်များရောက် လေယာဉ်များကို တိုက်လေယာဉ်များဖြင့် စောင့်ရှောက်ခေါ်ဆောင်ရခြင်းများ ဖြစ်စေခဲ့သည်။
ခြိမ်းခြောက်မှုများ ပျံ့နှံ့ခဲ့ခြင်းသည် အန္တရာယ်များလောက်အောင် အထိန်းအကွပ်မဲ့သည်ဟု အစိုးရက ပြောဆိုခဲ့သည်။
“သတင်းအမှားများကို ချက်ချင်းဖြုတ်ချခြင်း” စည်းကမ်းချက်ကို မလိုက်နာပါက ဆိုရှယ်မီဒီယာများအနေဖြင့် ပြဌာန်းထားသည့် ဥပဒေမှန်သမျှဖြင့် အရေးယူခံရမည်ဟု သတိပေးခဲ့သည်။
ယင်းကဲ့သို့ လေကြောင်းလိုင်းများကိုအတုအယောင် ဗုံးခြိမ်းခြောက်မှုများဖြင့် မသမာသည့်လုပ်ရပ်များသည် နိုင်ငံတော်၏ လုံခြုံရေးနှင့် အများပြည်သူ တည်ငြိမ်အေးချမ်းရေးကို အန္တရာယ်ဖြစ်စေသည်ဟု အောက်တိုဘာ ၂၆ ရက်က ထုတ်ပြန်ချက်တွင် အစိုးရက ပြောဆိုခဲ့သည်။
အတုအယောင် ဗုံးခြိမ်းခြောက်မှုများသည် နိုင်ငံသားအများအပြားကို ထိခိုက်စေသကဲ့သို့ တိုင်းပြည်၏ စီးပွားရေးကို မတည်မငြိမ်ဖြစ်စေသည်ဟုပြောကြားခဲ့သည်။
အောက်တိုဘာလလယ်မှစ၍ ဗုံးခြိမ်းခြောက်မှုပေါင်း ၂၇၅ ကြိမ်လုပ်ခဲ့ပြီး အားလုံးသည် အတုအယောင်များဖြစ်နေခဲ့သည်ဟု Press Trust of India သတင်းဌာနက ဖော်ပြခဲ့သည်။ အခြား အိန္ဒိယမီဒီယာများကမှု ခြိမ်းခြောက်မှု ဖြစ်စဉ်များသည် ၄၀၀ နီးပါးအထိ ရှိနိုင်သည်ဟု ဖော်ပြခဲ့ကြသည်။
Ref: သည်စထရိတ်တိုင်းမ်စ်
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
