တိုင်ပေ၊အောက်တိုဘာ ၂၅
ထိုင်ဝမ်တပ်မတော်၊ပန်ဂူဒေသရှိ ကာကွယ်ရေးဌာနချုပ်က ပြည်မတပ်မတော်သည် အချိန်မရွေးဝင်ရောက်စီးနင်းနိုင်ခြေရှိသဖြင့် ကျင့်သားရစေရန်အတွက် ပထမဆုံးအကြိမ်အနေဖြင့် ညအချိန်စစ်ရေးလေ့ကျင့်မှုတစ်ခုလုပ်ခဲ့ကြောင်းသိရသည်။
အဆိုပါ စစ်ရေးလေ့ကျင့်မှုကို ကြာသပတေးနေ့ညနေပိုင်းတွင် ထိုင်ဝမ်ကျွန်း၏တောင်ဘက်ရှိ ပန်ဂူကောင်တီမှ Wude ဧရိယာတွင် ပြုလုပ်ခဲ့ခြင်းဖြစ်သည်ဟုလည်းဆိုသည်။
မီဒီယာများကိုပါ ဖိတ်ကြားထားသည့် အဆိုပါစစ်ရေး လေ့ကျင့်မှုတွင် ဝေဟင်၊ရေပြင်နှင့် မြေပြင်များအတွက် အမှောင်ထဲတွင် သရုပ်ဖော်လေ့ကျင့်မှုများပါဝင်သည်ဟုလည်း တာဝန်ရှိသူများကပြောကြားခဲ့သည်။
မြေပြင်စစ်ရေးလေ့ကျင့်မှုတွင် CM-21 သံချပ်ကာယာဉ်များနှင့် M60A3 တင့်ကားများဖြင့် လက်နက်အပြည့်အစုံတပ်ဆင်ထားသည့် စစ်သည်များနှင့်တပ်ဖြန့်ထားကာ စစ်သားများကို အမှောင်ထဲတွင် ကြည်လင်ပြတ်သားစွာမြင်နိုင်ရန် ညသုံးကိရိယာများကိုလည်း တပ်ဆင်ထားပေးသည်ဟုသိရသည်။
ဒရုန်းများဖြင့် ဝေဟင်မှ ပိုင်နက်ကျူးကျော်လာနိုင်ခြေရှိသည့်အတွက်ထိုင်ဝမ်လေပိုင်နက်ကို ညမီးကျည်များအသုံးပြုကာ အလင်းရောင်ရရှိစေဖို့လေ့ကျင့်ခဲ့သည်ဟုလည်းသိရသည်။
Source : စီအင်န်အေ
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
