စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်တွင် COVID-19 ကပ်ရောဂါ ဒေသန္တရအမိန့်အား မလိုက်နာသည့် ဒေသခံတစ်ဦး ထောင်ဒဏ်ခြောက်လ ချမှတ်ခံခဲ့ရကြောင်း စုံစမ်းသိရသည်။
ဖြစ်စဉ်မှာ ခင်ဦးမြို့နယ်ရှိ လောင်းရှည်ကျေးရွာတွင် အလှူမင်္ဂလာပွဲ ပြုလုပ်ရန်စီစဉ်နေသဖြင့် ကျေးရွာအုပ်ချုပ်ရေးမှူးနှင့် အဖွဲ့တို့က အသိပေးတားမြစ်ပြောဆိုခဲ့ကြောင်း၊ ယင်းသို့ တားမြစ်ခဲ့သော်လည်း မတ် ၂၆ ရက်နှင့် ၂၇ ရက်တို့တွင် လောင်းရှည်ကျေးရွာနေ အလှူ့ဒါယိကာ ဦးကျော်လွင်နှင့် အလှူဒါယိကာမ ဒေါ်ခင်မာဝင်းတို့၏အလှူမင်္ဂလာကို တစ်ရွာတည်းနေ ဦးသိန်းမြင့်၏ နေအိမ်ခြံဝန်းအတွင်း၌ ပြုလုပ်ခဲ့ကြောင်း၊ COVID-19 ကပ်ရောဂါဖြစ်ပွားနေစဉ်ကာလအတွင်း ထိုကဲ့သို့လူစုလူဝေးဖြင့် အလှူမင်္ဂလာများ၊ ပွဲလမ်းသဘင်များ မကျင်းပရန်အတွက် သက်ဆိုင်ရာက ဒေသန္တရအမိန့်ထုတ်ပြန်တားမြစ်ထားသော်လည်း လိုက်နာခြင်းမရှိခဲ့သဖြင့် အလှူမင်္ဂလာပွဲလက်ခံကျင်းပခဲ့သည့် လောင်းရှည်ကျေးရွာနေ ဦးသိန်းမြင့်ကို ခင်ဦးမြို့နယ် ဒုတိယအထွေထွေအုပ်ချုပ်ရေးမှူး ဦးအောင်ကိုလတ်က တိုင်တန်းခဲ့ခြင်းဖြစ်ကြောင်း ခင်ဦးမြို့မရဲစခန်း၏ မှတ်တမ်းများအရ သိရသည်။
အမှုနှင့်ပတ်သက်၍ ခင်ဦးမြို့နယ်တရားရုံးက ဧပြီ ၇ ရက်တွင် အပြီးသတ်အမိန့်ချမှတ်ခဲ့ရာ သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေ ပုဒ်မ ၃၀ (က) ဖြင့် လောင်းရှည်ကျေးရွာနေ ဦးသိန်းမြင့်ကို ထောင်ဒဏ်ခြောက်လ ချမှတ်ခဲ့ကြောင်း သိရသည်။
COVID-19 ကပ်ရောဂါအန္တရာယ်ကြောင့် ရောဂါကာကွယ်တားဆီးထိန်းချုပ်နိုင်ရေးအတွက် ခင်ဦးမြို့နယ် အတွင်းရှိ ရပ်ကွက်၊ကျေးရွာများတွင် အလှူပွဲများ၊ မင်္ဂလာပွဲများနှင့် အခြားပွဲလမ်းသဘင်များကို လူစုလူဝေးဖြင့် မပြုလုပ်ရန် မြို့နယ်အထွေထွေအုပ်ချုပ်ရေးဦးစီးဌာနမှ ဒေသန္တရအမိန့် ထုတ်ပြန်ကြေညာထားသည်။
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
-
မန္တလေးမြို့ရှိ ဖုန်းဆိုင်တစ်ဆိုင်တွင် အမျိုးသမီးတစ်ဦးက ဆိုင်ဝန်ထမ်းအား ဓားဖြင့်လှမ်းထိုးကာ လုယက်ရန် ကြံစည်
