စည်ပင်ဝန်ထမ်းနှစ်ဦး အတူအရက် ထိုင်သောက်ရင်း အစနောက်လွန်ကာ စကားများ ရန်ဖြစ်ရာမှ လူသတ်မှု ဖြစ်ပွားခဲ့ကြောင်း ဧပြီ ၁၁ ရက်နေ့တွင် သိရသည်။
ဖြစ်စဉ်မှာ ဧပြီ ၁၁ ရက် ညနေ ၃ နာရီဝန်းကျင်က ရန်ကုန်တိုင်းဒေသကြီး စမ်းချောင်းမြို့နယ် ရှမ်းလေးစျေး (ဂွစျေး) နှင့်မကြီးကြီး လမ်းထောင့်ရှိ အမှိုက်ကန်တွင် တာဝန်ကျနေသည့် စည်ပင်ဝန်ထမ်းနှစ်ဦး အရက်အတူ ထိုင်သောက်ရင်း အစနောက်လွန်ရာမှ စကားများ ရန်ဖြစ်ပြီး လူသတ်မှု ဖြစ်ပွားခဲ့ခြင်း ဖြစ်ကြောင်း သိရသည်။
“ဖြစ်တာကတော့ မွန်းလွဲသုံးနာရီ ဝန်းကျင်လောက်မှာပါ။ အရက်ထိုင်သောက်နေကျရင်း တစ်ယောက်ကို တစ်ယောက် စနောက်တာကနေ ဓားနဲ့ထိုးတာပါ။ ဓားက ခဲတံချွန်တဲ့ဓားနဲ့ လည်ပင်းကိုနှစ်ချက် လှီးလိုက်တာပါ။ သေတာကတော့ အဲ့နေရာမှာပဲ သေသွားတာပါ” ဟု အနီးဝန်းကျင်တွင် နေထိုင်သူတစ်ဦးက ပြောကြားသည်။
အဆိုပါ အမှုဖြစ်စဉ်မှ ကျူးလွန်သူကို အခင်းဖြစ်နေရာတွင် ဖမ်းဆီးရမိခဲ့ပြီး ရာဇသတ်ကြီး ဥပဒေပုဒ်မ ၃၀၂ ဖြင့် အမှုဖွင်းထားပြီး အသေးစိတ် စစ်ဆေးမှုများ လုပ်ဆောင်လျက်ရှိကြောင်း စမ်းချောင်းမြို့နယ်ရဲစခန်းမှ စုံစမ်းသိရှိရသည်။
-
၂ဝ၂၄ ခုနှစ် နှစ်လယ် မြန်မာ့ကျောက်မျက် ရတနာပြပွဲတွင် ပုလဲအတွဲ ၂၈၀၊ ကျောက်မျက်အတွဲ ၁၆၀ နှင့် ကျောက်စိမ်းအတွဲ ၄၈၀၀ တို့ကို အိတ်ဖွင့်တင်ဒါစနစ်ဖြင့် ရောင်းချသွားမည်
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
