စစ်ကိုင်းတိုင်းဒေသကြီး မုံရွာခရိုင် မုံရွာမြို့နယ် သာစည်အဝိုင်းပတ်တွင် ဧပြီလ ၂၀ ရက်နေ့က COVID-19 ပညာပေးလုပ်ငန်း ဆောင်ရွက်နေသည့် ယာဉ်ထိန်းတပ်ဖွဲ့ဝင်တစ်ဦး ဓားခုတ်ခံရကြောင်း မုံရွာနယ်မြေရဲစခန်း၏ ရဲမှတ်တမ်းများအရ သိရသည်။
မုံရွာမြို့နယ် သာစည်အဝိုင်းပတ်တွင် ဓားခုတ်ခံခဲ့ရသည့် ယာဉ်ထိန်းတပ်ဖွဲ့ဝင်တစ်ဦး အပါအဝင် သက်ဆိုင်ရာ ဌာနများက COVID-19 ကူးစပ်ရောဂါ ကာကွယ်ထိန်းချုပ်နိုင်ရေးအတွက် ပူးပေါင်းစစ်ဆေးရေး ဆောင်ရွက်မှု အပါအဝင် ပညာပေးလုပ်ငန်းများပါ ပူးတွဲလုပ်ဆောင်နေကြောင်း သိရသည်။
ထို့နောက် သာစည်အဝိုင်းပတ်ဘက်မှ မုံရွာမြို့တွင်းသို့ Mask မတပ်ဘဲ အောင်ကျော်မြင့် (၄၉) နှစ်၊ မုံရွာမြို့နယ် ဆုံကုန်းကျေးရွာနေသူမှ မော်တော်ဆိုင်ကယ်ဖြင့် မောင်းနှင်လာစဉ် ယာဉ်ထိန်းရဲတပ်ဖွဲ့မှ ရဲတပ်ကြပ်ကြီး --- က တားဆီး၍ Mask တပ်ရန် ပြောကြားခဲ့ကြောင်း သိရသည်။
ထို့သို့ ယာဉ်ထိန်းရဲတပ်ဖွဲ့မှ ရဲတပ်ကြပ်ကြီး --- က တားဆီး၍ Mask တပ်ရန် ပြောကြားခဲ့မှုနှင့် ပတ်သက်၍ အောင်ကျော်မြင့် (၄၉) နှစ်၊ မုံရွာမြို့နယ် ဆုံကုန်းကျေးရွာနေသူက မကျေနပ်သဖြင့် ပြန်လှည့်သွားကာ ၄င်းဆိုင်ကယ်ဖြင့် နောက်တစ်ခေါက် ထပ်မံရောက်ရှိလာပြီး အရှည် (၃) ပေခန့်ရှိ ဓားရှည်ဖြင့် လှမ်းခုတ်ရာ ယာဉ်ထိန်းရဲတပ်ဖွဲ့မှ ရဲတပ်ကြပ်ကြီး၏ နောက်ကြောတွင် ၁ လက္မခွဲခန့်ရှိ (မစိုးရိမ်ရ) ပွန်းခြစ်ဒဏ်ရာ ရရှိခဲ့ကြောင်း သိရသည်။
ယင်းဖြစ်စဉ်နှင့် ပတ်သက်၍ သက်ဆိုင်ရာ ရဲတပ်ဖွဲ့က တရားခံ အောင်ကျော်မြင့် (၄၉) နှစ်၊ မုံရွာမြို့နယ် ဆုံကုန်းကျေးရွာနေသူကို လိုက်လံရှာဖွေ ဖမ်းဆီးရမိခဲ့ပြီး မုံရွာနယ်မြေရဲစခန်းမှ တရားခံ အောင်ကျော်မြင့် (၄၉) နှစ်အား (ပ) ၁၇၉/၂၀၂၀၊ ရာဇသတ်ကြီး ဥပဒေပုဒ်မ - ၃၃၂ အရ အမှုဖွင့် အရေးယူထားကြောင်း သိရသည်။
-
၂ဝ၂၄ ခုနှစ် နှစ်လယ် မြန်မာ့ကျောက်မျက် ရတနာပြပွဲတွင် ပုလဲအတွဲ ၂၈၀၊ ကျောက်မျက်အတွဲ ၁၆၀ နှင့် ကျောက်စိမ်းအတွဲ ၄၈၀၀ တို့ကို အိတ်ဖွင့်တင်ဒါစနစ်ဖြင့် ရောင်းချသွားမည်
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
