မဲဆန္ဒရှင် ၂၈ သန်းကျော်သည် အကြိမ် ၆၀ မြောက်အမေရိကန်သမ္မတရွေးကောက်ပွဲအတွက် ကြိုတင်မဲများပေးခဲ့ကြသည်ဟု သိရသည်။
လူ ၂၈ ဒသမ ၆ သန်းသည် ကြိုတင်မဲပေးခွင့်ရှိသော ပြည်နယ်များတွင် အောက်တိုဘာ ၂၄ ရက်တွင် မဲပေးခဲ့ကြသည်ဟု ဆိုသည်။
နိုဝင်ဘာ ၅ ရက် သမ္မတရွေးကောက်ပွဲမတိုင်မီ ယင်းသို့ကြိုတင်မဲပေးခဲ့ကြခြင်းဖြစ်သည်ဟု သိရသည်။ ကြိုတင်မဲပေးသူ ၄၃ ရာခိုင်နှုန်းသည် ဒီမိုကရက်တစ်များအဖြစ် မှတ်ပုံတင်ထားကြသူမျာဖြစ်ပြီး ရီပတ်ဘလီကင်များအဖြစ် မှတ်ပုံတင်ထားသူအရေအတွက်မှာ ၃၉ ရာခိုင်နှုန်းဖြစ်သည်ဟု အချက်အလက်များအရ သိရသည်။
မြောက်ကာရိုလိုင်းနားနှင့်ဂျော်ဂျီယာတို့လို အကြိတ်အနယ်ပြိုင်ရသော ပြည်နယ်များတွင် စံတင်ချိန် ကြိုတင်မဲများ ပေးခဲ့ကြသည်ဟု ဆိုသည်။ ဂျော်ဂျီယာပြည်နယ်တွင် မဲပေးခွင့်ရှိသူများထဲက ၂၅ ရာခိုင်နှုန်းကျော်သည် ကြိုတင်မဲပေးရာတွင် ပါဝင်ခဲ့ကြပြီး မြောက်ကိုရိုလိုင်းနားပြည်နယ်တွင် အောက်တိုဘာ ၂၄ ရက်အထိ စာတိုက်မဲပေးသူနှင့် ကိုင်တိုင်ကြိုတင်မဲပေးသူ နှစ်သန်းကျော်ရှိခဲ့သည်။
ဂျော်ဂျီယာ၌ နိုဝင်ဘာ ၁ ရက်အထိ ကြိုတင်မဲဆက်လက်ပေး၍ရမည်ဖြစ်ပြီး မြောက်ကာရိုလိုင်းနားပြည်နယ်တွင် နိုဝင်ဘာ ၂ ရက်အထိ ကြိုတင်မဲပေးနိုင်သည်ဟု ဆိုသည်။
နီဗားဒါးပြည်နယ်တွင်လည်း အောက်တိုဘာ ၂၄ ရက်အထိ ကြိုတင်မဲပေးသူ ၄၀၀၀၀၀ ရှိခဲ့သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
