ထိုင်း-မြန်မာ ကုန်စည်စီးဆင်းရာ လမ်းကြောင်းဖြစ်သည့် မြဝတီ-ကော့ကရိတ် လမ်းပိုင်း (၄) ပိုင်းရှိရာ အဆိုပါ လမ်းပိုင်းများ ပြန်လည်ကောင်းမွန်လာပြီဖြစ်သဖြင့် ပုံမှန်ဖြတ်သန်းသွားလာနေကြပြီဖြစ်ကြောင်း ဒေသခံတစ်ဦးက ပေါ် ပြူလာနယူးစ်သို့ ပြောသည်။
ဒေါနတောင်တက်လမ်းအပါအဝင် (၁၀၁၈) လမ်း၊ ထို့ကော်ကိုးလမ်း၊ ကြက်ဥတောင်လမ်းပိုင်းများမှာ ပြန်လည်ပြင်ဆင်ပြီးဖြစ်သဖြင့် ယာဉ်အသွားအလာအသုံးပြုနေပြီဖြစ်ကြောင်း ဆိုသည်။
သို့သော် ဒေသတွင်း လက်နက်ကိုင်အဖွဲ့အစည်းများ၏ ဂိတ်ကြေးကောက်ခံမှု မြင့်မားခြင်း၊ ဂိတ်အရေအတွက် များပြားခြင်းတို့ကြောင့် ကုန်စည်စီးဆင်းမှုတွင် နှောင့်နှေးရသည့်အပြင် ပေးဆောင်ရသည့် အခွန်အခစရိတ် ကြီးမြင့်ခြင်းကြောင့် အခက်အခဲရှိနေကြကြောင်း သိရသည်။
“ဒီလမ်းပိုင်းတွေက လက်နက်ကိုင်အဖွဲ့အစည်းတွေ အထိုင်ချ ဂိတ်ဖွင့်ထားတဲ့လမ်းတွေ။ လမ်းတစ်လမ်းကို ဂိတ်ပေါင်းသုံးဆယ်လောက်ရှိတော့ ကုန်သည်တွေလည်း ဂိတ်ဖြတ်ကြေးနှုန်းကြောင့် စိတ်ညစ်နေရတယ်။ ကုန်စည်ကတော့ မြဝတီမှာ အစစ်အဆေးမရှိ တင်သွင်းသွားလာခွင့်ပြုနေပါတယ်။ ယိုးဒယားပစ္စည်းဈေးမြင့်တာလည်း ဒါတွေကြောင့်လည်းပါတယ်။ ဘားအံဘက်ကတော့မသိဘူးပေါ့”ဟု ၎င်းက ရှင်းပြသည်။
လက်ရှိတွင် ထိုင်း-မြန်မာ ကုန်စည်စီးဆင်းရာ အမှတ် (၂) ချစ်ကြည်ရေးတံတားမှ တရားဝင် ဂျူတီခွန်ဆောင်၍ တင်သွင်းခွင့်ပြုနေသော်လည်း အများစုမှာ တရားမဝင် နယ်စပ်ဂိတ်များမှတဆင့် တင်သွင်းမှုပိုများပြားကြောင်း သိရသည်။
ထို့ကြောင့် ထိုင်းကုန်စည်များမှာ ဈေးကွက်အတွင်းရှိနေသော်လည်း ဒေသတွင်း လက်နက်ကိုင်အဖွဲ့အစည်းများ၏ ဂိတ်ကြေးဖြတ်သန်းခ ကောက်ယူမှု ၊ တရားမဝင် တင်သွင်းခွင့်ပြုမှုများကြောင့် ပြည်တွင်းဈေးကွက်အတွင်း ဈေးနှုန်းများ မြင့်တက်နေရခြင်းဖြစ်သည်ဟု သိရသည်။
ပုံစာ-ထို့ကော်ကိုး လမ်းပိုင်းတစ်နေရာအား တွေ့ရစဉ်( ပုံ အဟောင်း)
-
၄၅ နှစ်ကြာပြီးနောက် ကမ္ဘောဒီးယားနှင့် ထိုင်း နှစ်နိုင်ငံကြား ရထားလမ်း ပြန်လည်ဖွင့်လှစ်
-
ခရစ်ယာန်ဘုရားကျောင်းများ တိုက်ခိုက်ခံရမှုသည် ဒေသခံအစ္စလာမ္မစ်အစွန်းရောက်အဖွဲ့၏လက်ချက်ဟု သီရိလင်္ကာအစိုးရက ပြောကြား
-
အလုပ်သမားအခွင့်အရေး တက်ကြွလှုပ်ရှားသူများကို လွှတ်ပေးရန် တရုတ်အလုပ်သမားများ တောင်းဆို
-
ယူကရိန်းသမ္မတရွေးကောက်ပွဲ ဒုတိယအကျော့တွင် ဇာတ်မြူးသရုပ်ဆောင် ဇယ်လင်စကီးက အပြတ်အသတ်အနိုင်ရ
-
တိုက်ခိုက်မှုများဖြစ်ပွားခဲ့ပြီးနောက် အီရန်နှင့်ပါကစ္စတန်က နယ်စပ်ပူးတွဲတုံ့ပြန်ရေးတပ်ဖွဲ့ ဖွဲ့စည်း
