ဒဏ်ရာကြောင့် အနားယူနေရသည့် ရီးယဲလ်မက်ဒရစ်တိုက်စစ်ကစားသမား ဟာဇက်သည် လာမည့် နိုဝင်ဘာ နိုင်ငံတကာရက်သတ္တပတ်ပြီးမှ အသင်းပွဲစဉ် များတွင် ပြန်လည်ကစားနိုင်မည်ဟု Marca သတင်းစာက ဖော်ပြခဲ့သည်။
ဟာဇက်သည် ပြီးခဲ့သည့်စက်တင်ဘာ ၂၉ ရက်က အသင်းနှင့်လေ့ကျင့်ဆန်းပြန်ဆင်းခဲ့သော်လည်း ကြွက်သားပိုင်းဆိုင်ရာပြဿနာရှိခဲ့ပြီး ထပ်မံအနားယူခဲ့ရခြင်းဖြစ်သည်။
ရီးယဲလ်မက်ဒရစ်နည်းပြ ဇီဒန်းကလည်း ဟာဇက်၏ဒဏ်ရာမှာ ၎င်းတို့မျှော်လင့်ထားသည်ထက် ပိုမိုကြာရှည်စွာ အနားယူရမည်ဟု ဝန်ခံခဲ့စည်။
ပြီးခဲ့သည့်အပတ်က Marca တွင် ရေးသားခဲ့သည့်သတင်း၌မူ ဟာဇက်သည် ဘာစီလိုနာအသင်းနှင့်ကစားမည့် El Clasico ပွဲကို လွဲချော်မည့်အပြင် အနည်းဆုံး သုံးပတ်ခန့် အနားယူရမည်ဟု ဖော်ပြခဲ့ပြီး ယခုအခါ နိုင်ငံတကာရက်သတ္တပတ်ပြီးမှသာ အသင်းနှင့်ပြန်လည်ပူးပေါင်းနိုင်ဖွယ်ရှိကြောင်း သိရသည်။
၂၀၁၉ နွေရာသီကာလတွင် ရီးယဲလ်အသင်းသို့ ရောက်ရှိလာသည့် ဟာဇက်မှာ ဒဏ်ရာပြဿနာများကြောင့် ၂၃၃ ရက်ကြာ အနားယူခဲ့ရပြီး ပြီးခဲ့သည့်ရာသီအစပွဲစဉ်ဖြစ်သည့် ဆယ်လ်တာဗီဂိုနှင့်ကစားခဲ့သည့်ပွဲမှ စတွက်လျှင် သူ၏အနားယူရမှုမှာ ၅၄ ဒသမ ၁၃ ရာခိုင်နှုန်းရှိသည်။
ဟာဇက်သည် ရီးယဲလ်အသင်းသို့ ပြီးခဲ့သည့်နွေရာသီက ရောက်ရှိလာပြီးနောက် ပြိုင်ပွဲစုံ (၂၂)ပွဲသာကစားရကာ (၁)ဂိုးသွင်းယူနိုင်ခဲ့သည်။
-
၄၅ နှစ်ကြာပြီးနောက် ကမ္ဘောဒီးယားနှင့် ထိုင်း နှစ်နိုင်ငံကြား ရထားလမ်း ပြန်လည်ဖွင့်လှစ်
-
ခရစ်ယာန်ဘုရားကျောင်းများ တိုက်ခိုက်ခံရမှုသည် ဒေသခံအစ္စလာမ္မစ်အစွန်းရောက်အဖွဲ့၏လက်ချက်ဟု သီရိလင်္ကာအစိုးရက ပြောကြား
-
အလုပ်သမားအခွင့်အရေး တက်ကြွလှုပ်ရှားသူများကို လွှတ်ပေးရန် တရုတ်အလုပ်သမားများ တောင်းဆို
-
ယူကရိန်းသမ္မတရွေးကောက်ပွဲ ဒုတိယအကျော့တွင် ဇာတ်မြူးသရုပ်ဆောင် ဇယ်လင်စကီးက အပြတ်အသတ်အနိုင်ရ
-
တိုက်ခိုက်မှုများဖြစ်ပွားခဲ့ပြီးနောက် အီရန်နှင့်ပါကစ္စတန်က နယ်စပ်ပူးတွဲတုံ့ပြန်ရေးတပ်ဖွဲ့ ဖွဲ့စည်း
