ကိုရိုနာဗိုင်းရပ်စ်ကြောင့် အနားယူနေရသည့် ဂျူဗင်တပ်စ်အသင်း၏ တောင်ပံကစားသမား စီရော်နယ်လ်ဒိုက ယခုတနင်္ဂနွေနေ့တွင် ထိုးသတ်မည့် ခါဘစ်နှင့် ဂေးချီတို့ UFC 254 ပွဲစဉ်တွင် သူ၏ မိတ်ဆွေဖြစ်သူ ခါဘစ်က ဂေးချီကို အနိုင်ကစားလိမ့်မည်ဟု ပြောကြားခဲ့သည်။
ခါဘစ်နှင့် စီရော်နယ်လ်ဒိုတို့သည် အလွန်ရင်းနှီးသည့် ဆက်ဆံရေးရှိသူများဖြစ်ကြပြီး ပြီးခဲ့သည့် ၂၀၁၈၊ ဖေဖော်ဝါရီလကတည်းက စတင်တွေ့ဆုံရင်းနှီးခဲ့ကြခြင်းလည်း ဖြစ်သည်။
Lightweight တန်းပွဲစဉ်အဖြစ် ကစားမည့် ယင်းပွဲစဉ်သည် ကမ္ဘာ့မီဒီယာများ၊ ပရိသတ်များ၏ စိတ်ဝင်စားခြင်းကိုခံနေရပြီး ဂျူဗင်တပ်စ်အသင်း၏ တောင်ပံတိုက်စစ်ကစားသမား စီရော်နယ်လ်ဒိုမှာလည်း ယင်းပရိသတ်များထဲတွင် တစ်ဦးအပါအဝင်ဖြစ်သည်။
UFC ၏ Live Q & A အစီအစဉ်တွင်လည်း စီရော်နယ်လ်ဒိုပါဝင်ခဲ့ပြီး ခါဘစ်သည် ယင်းပွဲကိုအနိုင်ကစားလိမ့်မည်ဟု ပြောကြားခဲ့ခြင်းလည်းဖြစ်သည်။
ခါဘစ်သည် UFC ကစားသမားဘဝသက်တမ်းတစ်လျှောက်တွင် ရှုံးပွဲလုံးဝမရှိသေးသည့် ကစားသမားတစ်ဦးဖြစ်ပြီး (၂၈)ပွဲ ကစားပြီးချိန်တွင် ပွဲတိုင်းအနိုင်ရရှိထားသူလည်းဖြစ်သည်။
ဂေးချီမှာမူ အလားအလာကောင်းသည့် ကြယ်ပွင့်ကစားသမားတစ်ဦးအဖြစ် သတ်မှတ်ခံခဲ့ရပြီး နောက်ဆုံးထိုးသတ်ခဲ့သည့်ပွဲတွင် နာမည်ကျော်ကစားသမား တိုနီဖာဂူဆန်ကို အနိုင်ရခဲ့ပြီးနောက် ရေပန်းစားလာခဲ့သူလည်းဖြစ်သည်။
ယင်းပွဲကို UAE နိုင်ငံ၊ အဘူဒါဘီမြို့ရှိ Flash Forum အားကစားရုံတွင်ကျင်းပသွားမည်ဖြစ်ပြီး ယင်းအားကစားရုံတွင် နာမည်ကျော် UFC ပွဲများကိုလည်း ကျင်းပခဲ့ဖူးသည်ဟု သိရှိရသည်။
-
■ တောင်ကြီး တန်ဆောင်တိုင် မီးပုံးပျံပွဲတော်သို့ ဒေသခံများအပြင် အနယ်နယ်အရပ်ရပ်မှ ပြည်သူအများအပြား လာရောက် လည်ပတ်
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
