တစ်ဦးချင်းကုန်သွယ်မှု (ITC) ကတ်ဖြင့် ၂၀၁၉-၂၀၂၀ ဘဏ္ဍာနှစ် အောက်တိုဘာ ၁ ရက်မှ ဒီဇင်ဘာလကုန်အထိ ကုန်သွယ်မှုပမာဏ ကျပ် ၁၄၁၂၇ သန်းကျော် ကုန်သွယ်မှုပြုလုပ်ထားပြီး သွင်းကုန် တင်သွင်းမှုတန်ဖိုး ကျပ် ၁၂၇၂၄ သန်းကျော်အထိ တင်သွင်းထားကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ သိရသည်။
၂၀၁၉-၂၀၂၀ ဘဏ္ဍာနှစ် အောက်တိုဘာ ၁ ရက်မှ ဒီဇင်ဘာလကုန်အထိ တစ်ဦးချင်းကုန်သွယ်မှု (ITC) ကတ်ဖြင့် ကုန်သွယ်မှု သွင်းကုန်တန်ဖိုး ကျပ် ၁၂,၇၂၄,၇၂၇,၄၅၇ အထိရှိပြီး ပို့ကုန် ကျပ် ၁,၄၀၂,၃၁၆,၄၀၆ တန်ဖိုးရှိကာ ကုန်သွယ်မှုပမာဏ ကျပ် ၁၄,၁၂၇,၀၄၃,၈၆၃ အထိ ကုန်သွယ်မှု ပြုလုပ်ထားခြင်းဖြစ်သည်။
ပို့ကုန်သွင်းကုန် လုပ်ငန်းရှင်မှတ်ပုံတင် အမှတ် (ပသက) နှင့် တစ်ဦးချင်းကုန်သွယ်မှုကတ် (ITC) အမှတ်များအား ၂၀၂၀ ပြည့်နှစ် ဇန်နဝါရီ ၅ ရက်မှစတင်၍ လက်ရှိအသုံးပြုနေသည့် Digit ငါးလုံးနေရာတွင် Digit ကိုးလုံးဖြင့် ပြောင်းလဲအသုံးပြုမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက ထုတ်ပြန်ထားသည်။
သို့ဖြစ်ရာ ပို့ကုန်သွင်းကုန်လုပ်ငန်းရှင် မှတ်ပုံတင်အမှတ် (ပသက) နှင့် တစ်ဦးချင်း ကုန်သွယ်မှုကတ် (ITC) အမှတ်များအား သတ်မှတ်ချိန်မတိုင်မီ အပြီးလာရောက် ပြောင်းလဲရန် လုပ်ငန်းရှင်များထံ အသိပေးချက် ထုတ်ပြန်ထားသည်။
ကုန်သွယ်မှုလုပ်ငန်းများတွင် Single Registration/ Single ID ဖြစ်စေရန် ကုန်သွယ်မှု ဆက်စပ်ဌာနများဖြစ်သည့် ကုန်သွယ်ရေး၊ အကောက်ခွန်၊ DICA ၊ ပြည်တွင်းအခွန်၊ CSO ဌာနများအားလုံးတွင် ကုမ္ပဏီမှတ်ပုံတင်အမှတ် Taxpayer Identification Numbers (TIN) ကို တူညီစွာအသုံးပြုနိုင်ရေး လာမည့်ဇန်နဝါရီ ၅ ရက်တွင် စတင်ပြောင်းလဲကျင့်သုံးမည် ဖြစ်သည်။
ပို့ကုန်သွင်းကုန်လုပ်ငန်းများ ဆောင်ရွက်နေသည့် ကုမ္ပဏီများ (ပသက) အနေဖြင့် ၂၀၁၉ ခုနှစ် သြဂုတ်လအတွင်းမှ စတင် ပြောင်းလဲဆောင်ရွက်ပေးလျက် ရှိသည်။ ပြောင်းရန်ကျန်ရှိသည့် ကုမ္ပဏီများ သတ်မှတ်ချိန်အတွင်း အပြီးလာရောက်ပြောင်းလဲရန် လိုအပ်ကြောင်း သိရသည်။
ကျန်အစိုးရအဖွဲ့အစည်းများအသင်း အဖွဲ့များ၊ သမဝါယမလီမိတက်များ၊ သံရုံးများအပါအဝင် ကျန်ရှိသည့်အဖွဲ့အစည်းများ၊ ကုန်သည်/ဦးစီး နေပြည်တော်/ ရန်ကုန်ရုံးများတွင် အချိန်မီလာရောက် ပြောင်းလဲရန်လိုအပ်ကြောင်း သိရသည်။
နယ်စပ်ကုန်သွယ်ရေးလုပ်ငန်းများအတွက် ထုတ်ပေးထားသည့် ITC ကတ် ကိုင်ဆောင်သူများအနေဖြင့် မိမိတို့ထုတ်ယူထားသည့် သက်ဆိုင်ရာကုန်သွယ်ရေး စခန်းများတွင် အချိန်မီသွားရောက် ပြောင်းလဲဆောင်ရွက်ရမည် ဖြစ်သည်။
သို့ဖြစ်ရာ ကုန်သွယ်မှုလုပ်ငန်းများ ဆောင်ရွက်ကြမည့် ကုမ္ပဏီများ၊ အဖွဲ့အစည်းများ၊ အသင်းအဖွဲ့များ၊ နယ်စပ်ကုန်သွယ်ရေး လုပ်ငန်းများ ဆောင်ရွက်နိုင်သည့် တစ်ဦးချင်းကုန်သွယ်မှု ဆောင်ရွက်နေသူများ (ITC) ကတ် ကိုင်ဆောင်ထားသူများအနေဖြင့် သတ်မှတ်ရက်မတိုင်မီ လက်ရှိအသုံးပြုနေသည့် ပို့ကုန်သွင်းကုန်မှတ်ပုံတင် အမှတ်များအစား ပြောငး်လဲအသုံးပြုမည့် TIN နံပါတ်များအား ကုန်သွယ်ရေး ဦးစီးဌာနသို့ လာရောက်ပြောင်းလဲကြရမည် ဖြစ်သည်။
ယင်းသို့ ပြောင်းလဲနိုင်ရန်အတွက် ကုန်သွယ်ရေး ဦးစီးဌာနရုံးချုပ် (နေပြည်တော်) နှင့် ပို့ကုန်သွင်းကုန်ရုံး (ရန်ကုန်) တို့တွင် လာရောက်ပြောင်းလဲ ဆောင်ရွက်ကြရမည်ဖြစ်ပြီး ITC ကတ် ကိုင်ဆောင်ထားသူများ အနေဖြင့် ကတ်ထုတ်ယူထားရှိသည့် နယ်စပ်ကုန်သွယ်ရေးစခန်းများတွင် သတ်မှတ်ချိန်အမီ ပြောင်းလဲဆောင်ရွက်ကြရမည်ဖြစ်ကြောင်း သိရသည်။ ဇန်နဝါရီ ၅ ရက် နောက်ပိုင်းမှစတင်၍ ပြောင်းလဲခြင်း မရှိသေးသော ပို့ကုန်သွင်းကုန်လုပ်ငန်းရှင် မှတ်ပုံတင်များနှင့် ITC ကတ်များအတွက် ပို့ကုန်သွင်းကုန် လိုင်စင်လျှောက်ထားခြင်း MACCS စနစ်တွင် အကောက်ခွန် ရှင်းလင်းရေးလုပ်ငန်းများ ဆောင်ရွက်နိုင်တော့မည်မဟုတ်ကြောင်း သိရသည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
