နိုင်ငံတကာပွဲများကစားခြင်းမှ ပြန်လာသော ပရီးမီးယားလိဂ်ကစားသမားများကို လေဆိပ်သို့ရောက်ရောက်ချင်း ကိုရိုနာဗိုင်းရပ်စ်ရှိ၊မရှိ စစ်ဆေးသွားမည်ဖြစ်ကြောင်း သိရသည်။
မကြာသေးမီက ပရီးမီးယားလိဂ်တာဝန်ရှိသူများသည် နိုင်ငံတကာပွဲများမှ ပြန်လာသောကစားသမားများကို ကလပ်အသင်းတွင် လေ့ကျင့်ခန်းပြန်ဆင်းခွင့်ပြုသည့်ပုံစံအား ပြောင်းလဲခဲ့သည်။
ပြောင်းလဲလိုက်သော ပုံစံသစ်အရ ကစားသမားများအနေဖြင့် ဆေးစစ်ဆေးမှုခံယူပြီး ပိုးမရှိကြောင်း (Negative ဖြစ်ကြောင်း) တွေ့ရှိရမှသာ ကလပ်အသင်းတွင် လေ့ကျင့်ခန်း ပြန်ဆင်းခွင့်ရရှိမည်ဖြစ်သည်။
ယခင်ကမူ နိုင်ငံတကာပွဲများကစားခြင်းမှ ပြန်လည်ရောက်ရှိလာပါက ကလပ်အသင်းတွင် လေ့ကျင့်ခန်း ချက်ချင်းပြုလုပ်နိုင်မည်ဖြစ်သော်လည်း ယခုပိုမိုစိတ်ချရစေရန် ပုံစံပြောင်းလဲခဲ့ခြင်းဖြစ်သည်။
ယင်းကဲ့သို့ ပြောင်းလဲခဲ့ခြင်းအတွက် ဝုလ်ဗ်အသင်းနည်းပြ နူနိုဆန်တိုအပါအဝင် နည်းပြအချို့က ကစားသမားများ လေ့ကျင့်ချိန်လျော့နည်းနိုင်သဖြင့် ဝေဖန်ခဲ့ကြသည်။
သို့ဖြစ်ရာ ကစားသမားများအနေဖြင့် ကိုရိုနာဗိုင်းရပ်စ်ရှိ၊ မရှိ အမြန်ဆုံးသိရှိနိုင်ရန် ပရီးမီးယားလိဂ်နှင့် စာချုပ်ထားသော ပိုးစစ်ဆေးသည့်ကုမ္ပဏီ Prenetics သည် လေဆိပ်တွင် ကစားသမားများ လေယာဉ်ပေါ်မှ ဆင်းဆင်းချင်း ဆေးစစ်ဆေးသွားမည်ဖြစ်ပြီး ပိုးရှိ၊ မရှိအဖြေကိ ု(၂၄)နာရီအတွင်း သိရှိနိုင်မည်ဖြစ်ကြောင်း သိရသည်။
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
-
Nations League ကွာတားဖိုင်နယ်သို့ ပေါ်တူဂီနှင့် နယ်သာလန်အသင်း ထပ်မံတက်ရောက်ခဲ့ပြီး ဂျာမနီအသင်း ပြိုင်ပွဲသမိုင်းတွင် ဂိုးအပြတ်ဆုံးနိုင်ပွဲ စံချိန်တင်
-
မန်ယူအသင်းနည်းပြသစ် အမော်ရင်မ် ၎င်းနှင့်လက်တွဲမည့် နည်းပြအဖွဲ့ဝင်ငါးဦး ခန့်အပ်ကြောင်း ကြေညာ
