ချန်ပီယံလိဂ်ပွဲစဉ်များကို တာဝန်ယူနေသော ဒိုင်လူကြီးတစ်ဦးဖြစ်သူ ဖီးလစ်ဇွာယာ(၃၉ နှစ်)က ဘောလုံးပွဲများတွင် ကွင်းဘေးစည်းရှိ ရုပ်သံမော်နီတာကိုကြည့်ရှုရန် VAR ဒိုင်များထံမှ ညွှန်ကြားချက်ရောက်ရှိလာခဲ့လျှင် မိမိတို့အနေဖြင့် မူလဆုံးဖြတ်ချက်များကို ပြင်ဆင်ရတော့မည်ဟု သိနားလည်ထားကြောင်း ဝန်ခံပြော ကြားခဲ့သည်။
ဂျာမန်လူမျိုးဒိုင်လူကြီးတစ်ဦး ဖြစ်သူ ဖီးလစ်ဇွာယာက UEFA မှတ်တမ်းဗီဒီယိုဖြစ်သည့် Man in the Middle စီးရီးတွင် ယင်းကဲ့သို့ ပြောကြားခဲ့ခြင်းဖြစ်သည်။
''သူတို့ (VAR ဒိုင်လူကြီးများ)က ကျွန်တော့်ကို ကွင်းထဲမှာရှိတဲ့ မော်နီတာကို ပြန်ပြီးကြည့်ရှုသုံးသပ်ဖို့ စေခိုင်းလာခဲ့ရင် ကျွန်တော် အလိုလို သိနားလည်လိုက်ပါပြီ။ ကျွန်တော့်အနေနဲ့ ပေးထားတဲ့ဂိုးကို ပြန်ပြီးပယ်ဖျက်ရတော့မယ်ဆိုတာပါ။ ဘာဖြစ်လို့လဲဆိုတော့ သူတို့မှာ ခိုင်မာတဲ့အထောက်အထား ရရှိထားပြီးဖြစ်နေလို့ပါ။ ကျွန်တော် VAR အဖွဲ့နဲ့ အလုပ်လုပ်လာတာ အချိန်ကြာမြင့်ခဲ့ပါပြီ။ သူတို့မှာ အထောက်အထားအခိုင်အမာရှိပြီး ကျွန်တော့်အနေနဲ့ ဆုံးဖြတ်ချက်ကိုပြင်ဆင်ဖို့ လိုအပ်လာတဲ့အချိန်မျိုးမှာ သူတို့က ကျွန်တော့်ကို မော်နီတာကိုပြန်ကြည့်ဖို့ စေခိုင်းလေ့ရှိပါတယ်။ သူတို့က ပွဲအပေါ်မှာလိုက်ပြီး ဆုံးဖြတ်ချက်ချနေတယ်လို့ ကျွန်တော် ပြောတာမဟုတ်ပါဘူး။ ဒါပေမဲ့ မော်နီတာရှေ့ကို ကျွန်တော် သွားရပြီဆိုရင် ကျွန်တော့်ဆုံးဖြတ်ချက်ကို ပြန်ပြင်ရတော့မယ်ဆိုတာ သိနေရတာမျိုးပါ''ဟု ဇွာယာက ပြောကြားခဲ့သည်။
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
-
Nations League ကွာတားဖိုင်နယ်သို့ ပေါ်တူဂီနှင့် နယ်သာလန်အသင်း ထပ်မံတက်ရောက်ခဲ့ပြီး ဂျာမနီအသင်း ပြိုင်ပွဲသမိုင်းတွင် ဂိုးအပြတ်ဆုံးနိုင်ပွဲ စံချိန်တင်
-
မန်ယူအသင်းနည်းပြသစ် အမော်ရင်မ် ၎င်းနှင့်လက်တွဲမည့် နည်းပြအဖွဲ့ဝင်ငါးဦး ခန့်အပ်ကြောင်း ကြေညာ
