Top News

နာပိုလီအသင်း၏ ရမှတ်လျှော့ပြစ်ဒဏ်အယူခံ အောင်မြင်ဖွယ်ရှိ

24htopnews | October 27, 2024 3:12 AM CST

ဂျူဗင်တပ်စ်အသင်းနှင့်ပွဲစဉ်ကို သတ်မှတ်ရက်တွင် မကစားသဖြင့် ရမှတ်လျှော့ပြစ်ဒဏ်ချမှတ်ခံထားရခြင်းအပေါ် နာပိုလီအသင်းအယူခံဝင်ထားမှု အောင်မြင်ဖွယ်ရှိကြောင်း သိရသည်။

နာပိုလီအသင်းသည် ပြီးခဲ့သည့် အောက်တိုဘာလ (၄)ရက်တွင် ကစားရန်စီစဉ်ခဲ့သည့် ဂျူဗင်တပ်စ်နှင့်ပွဲစဉ်ကို တူရင်မြို့သို့ လာရောက်မကစားသဖြင့် (၀-၃)ဂိုးနှင့် အရှုံးပေးရန်နှင့် ရမှတ် (၁)မှတ်လျှော့ပြစ်ဒဏ်ကျခံရန် အီတလီလိဂ်ပြိုင်ပွဲအဖွဲ့ချုပ်နှင့် အီတလီဘောလုံးအဖွဲ့ချုပ်တို့က ညွှန်ကြားခဲ့သည်။

အီတလီအိုလံပစ်ကော်မတီအယူခံကော်မတီ၏ ဥက္ကဋ္ဌ ဆန်နီနိုက နာပိုလီအသင်းသည် ရည်ရွယ်ချက်ရှိရှိ လာရောက်မကစားခြင်းမဟုတ်ပါက အယူခံအောင်မြင်ဖွယ်ရှိကြောင်း ဖွင့်ဟခဲ့သည်။

ဂျူဗင်တပ်စ်နှင့်ပွဲမတိုင်မီ ကိုရိုနာဗိုင်းရပ်စ်ပြဿနာကြောင့် နေပယ်မြို့အာဏာပိုင်များက ခရီးသွား လာခွင့်ပိတ်ပင်သဖြင့် နာပိုလီက သွားမကစားခဲ့ခြင်းဖြစ်သည်။