Top News

ရာသီအပြီးသတ်နိုင်ရန်အတွက် ယူရိုသန်း (၅၀၀) နီးပါး လိုအပ်ဟု တီဘက်စ် ဆို

24htopnews | October 27, 2024 3:12 AM CST

လာလီဂါအဖွဲ့ချုပ်(LFP) ဥက္ကဋ္ဌ ဖြစ်သူ တီဘက်စ်က ယခုရာသီ စပိန်ထိပ်တန်းလိဂ်ပြိုင်ပွဲများ အပြီးသတ်နိုင်ရန်အတွက် ယူရိုသန်း (၅၀၀)လိုအပ်နေကြောင်း စပိန်အားကစားသတင်းစာ Marca သို့ ပြောကြားခဲ့သည်။

ကိုရိုနာဗိုင်းရပ်စ်ပြဿနာကြောင့် လာလီဂါထိပ်တန်းကလပ်အသင်းကြီးများအပါအဝင် ကလပ်အသင်းအများအပြားမှာ ဝင်ငွေများစွာထိခိုက်ခဲ့ပြီး ကစားသမားများအား လစာပေးချေရန် အခက်အခဲများရှိနေကြောင်း သိရသည်။

တီဘက်စ်က ''ကျွန်တော်တို့အတွက် အနည်းဆုံး ယူရိုသန်း (၅၀၀)နီးပါး လိုအပ်ပါတယ်။ ဘာကြောင့်လဲဆိုရင် ကလပ်အသင်းတွေဟာ လစာငွေအပါအဝင်၊ ငွေကြေးလိုအပ်ချက်တွေကြောင့် သူတို့ရဲ့ကစားသမားတွေကို စာချုပ်ဖျက်သိမ်းမှု မလုပ်နိုင်ကြပါဘူး။ ကျွန်တော်တို့ လိဂ်ပြိုင်ပွဲတွေနဲ့ ဆက်စပ်နေတဲ့ အလုပ်အကိုင်ပေါင်းကလည်း (၁၈၀၀၀၀)လောက်ရှိပါတယ်''ဟု ဆိုခဲ့သည်။