ကမ္ဘာကျော် စပိန်တင်းနစ်သမား ရာဖေးလ်နဒါးလ်၏ ဦးလေးဖြစ်သူ တိုနီနဒါးလ်က သူသာ ဘာစီလိုနာ အသင်းဘုတ်အဖွဲ့တွင် ပါဝင်လာပါက မက်ဆီကို အသင်းတွင် ဆက်ရှိနေအောင် ကြိုးပမ်းသွားမည်ဖြစ်ကြောင်း ပြောကြားခဲ့သည်။
နဒါးလ်သည် ရီးယဲလ်မက်ဒရစ်အသင်း၏ ကမ္ဘာကျော် ပရိသတ်တစ်ဦးဖြစ်ပြီး အသင်းဥက္ကဋ္ဌ ဖလော်ရင်တီနိုပီရက်ဇ်နှင့် အလွန်ရင်းနှီးသည့်ဆက်ဆံရေးရှိသူဖြစ်သော်လည်း တိုနီနဒါးလ်အပါအဝင် နဒါးလ်မိသားစုဝင်များသည် ဘာစီလိုနာအသင်းပရိသတ်များဖြစ်သည်။
တိုနီနဒါးလ်သည် ဘာစီလိုနာနှင့် စပိန်လက်ရွေးစင်ကစားသမားဟောင်း မီဂွယ်လ်အန်ဟယ်နဒါးလ်၏ အစ်ကိုဖြစ်သလို၊ လက်ရှိအချိန်တွင် ဘာစီလိုနာအသင်းဥက္ကဋ္ဌ ဖြစ်လာရန် ရေပန်းစားနေသည့် ဥက္ကဋ္ဌလောင်း ဗစ်တာဖောင့်နှင့် အလွန်ရင်းနှီးသည့် ဆက်ဆံရေးရှိသူဖြစ်သည်။
ဗစ်တာဖောင့်သာ ဘာစီလိုနာ အသင်းဥက္ကဋ္ဌရွေးကောက်ပွဲတွင် အနိုင်ရပါက တိုနီနဒါးလ်သည် ဘာစီလိုနာအသင်းဘုတ်အဖွဲ့တွင် ပါဝင်လာရန်သေချာနေသူဖြစ်သည်။
သူသည် နဒါးလ်၏ နည်းပြဖြစ်သလို၊ ကစားသမားဘဝတစ်လျှောက်လုံး ဦးဆောင်ကိုင်တွယ်လာခဲ့သူဖြစ်ပြီး မက်ဆီကိုလည်း ဘာစီလိုနာတွင် ဆက်နေရန် စည်းရုံးနိုင်လိမ့်မည်ဟု ဘာစီလိုနာ ပရိသတ်များက ယုံကြည်နေသည်။
တိုနီနဒါးလ်က "ကျွန်တော်တို့ အသင်းနဲ့အတူ မက်ဆီ ချန်ပီယံလိဂ် ဖလားကိုင်မြှောက်တာကို ကျွန်တော် ဆက်မြင်ချင်ပါသေးတယ်။ ကျွန်တော် ဘုတ်အဖွဲ့ဝင်ဖြစ်လာပါ့မလားဆိုတာ မသေချာသေးပါဘူး။ ဒါပေမဲ့ ဖြစ်လာရင်တော့ ကျွန်တော် သေချာပေါက် ကြိုးစားသွားမှာပါ" ဟု ပြောကြားသွားခဲ့သည်။
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
-
Nations League ကွာတားဖိုင်နယ်သို့ ပေါ်တူဂီနှင့် နယ်သာလန်အသင်း ထပ်မံတက်ရောက်ခဲ့ပြီး ဂျာမနီအသင်း ပြိုင်ပွဲသမိုင်းတွင် ဂိုးအပြတ်ဆုံးနိုင်ပွဲ စံချိန်တင်
