Top News

လင်ဂတ်အား ဆိုးလ်ရှားနှင့် မိုက်ဖီလန် သတိပေး

24htopnews | October 27, 2024 1:12 AM CST

မန်ယူကွင်းလယ်လူ လင်ဂတ်အား မန်ယူ အသင်းနည်းပြ ဆိုးလ်ရှားနှင့် လက်ထောက်နည်းပြ မိုက်ဖီလန်တို့က ဘောလုံးကို အာရုံစိုက်ကစားရန်အတွက် တွေ့ဆုံသတိပေးခဲ့ကြောင်း သိရှိရသည်။

လင်ဂတ်သည် ဘောလုံးကွင်းပြင်ပတွင် ဖက်ရှင်ကိစ္စရပ်များဖြင့် အာရုံများနေသည်ဟု ၎င်းတို့က ယူဆခဲ့ပြီး သီးခြားစီတွေ့ဆုံကာ သတိပေးခဲ့ခြင်းဖြစ်ကြောင်း Mirror သတင်းစာက ဖော်ပြခဲ့သည်။

လင်ဂတ်သည် ပြီးခဲ့သည့် ၂၀၁၈၊ ဒီဇင်ဘာလအတွင်းက သူ၏ကိုယ်ပိုင်ဖက်ရှင်အမှတ်တံဆိပ်ဖြစ်သော Be Yourself ဝတ်စုံများကို စတင်ရောင်းချခဲ့ပြီး ယင်းအမှတ်တံဆိပ် မိတ်ဆက်ပွဲအခမ်းအနားသို့ မန်ယူ အသင်းဖော်များအပါအဝင် နာမည်ကြီးကစားသမားများပါ တက်ရောက်ခဲ့သည်။

ဆိုးလ်ရှားနှင့် မိုက်ဖီလန်တို့သည် မကြာသေးမီကလည်း အသင်း၏အဓိကတိုက်စစ်မှူးတစ်ဦးဖြစ်သူ ရပ်ရှ်ဖို့ဒ်အား ဘောလုံးကို အာရုံစိုက်ပြီးကြိုးစားကစားရန် သတိပေးခဲ့ကြောင်း သိရှိရသည်။