မေဂျာလိဂ် အင်တာမိုင်ယာမီအသင်းပိုင်ရှင် ဒေးဗစ်ဘက်ခမ်သည် ဘာစီလိုနာအသင်းမှ အာဂျင်တီးနားတိုက်စစ်မှူး မက်ဆီကို ခေါ်ယူရန်အတွက် မက်ဆီ၏ အေးဂျင့်အဖြစ်ဆောင်ရွက်နေသည့် ဖခင်ဖြစ်သူ ဂျော့ချ်မက်ဆီနှင့် ဆွေးနွေးရန် ကိုယ်စားလှယ်တစ်ဦး စေလွှတ်ခဲ့ကြောင်း ဗြိတိန်သတင်းစာ Daily Mail က ဖော်ပြခဲ့သည်။
အသက် (၃၂) နှစ်အရွယ်ရှိ မက်ဆီ၏ ဘာစီလိုနာအသင်းနှင့် ချုပ်ဆိုထားသည့် လက်ရှိစာချုပ်မှာ ၂၀၂၁ ခုနှစ်တွင်မှ ကုန်ဆုံးမည်ဖြစ်သည်။
သို့သော် မက်ဆီအနေဖြင့် ဆန္ဒရှိပါက ယခုရာသီကုန်တွင် ဘာစီလိုနာအသင်းမှ ထွက်ခွာခွင့်ရရှိထားကြောင်း သိရှိရသည်။
ထို့ကြောင့် လာမည့် ၂၀၂၀ ရာသီတွင် မေဂျာလိဂ်ပြိုင်ပွဲ၌ စတင်ဝင်ရောက်ယှဉ်ပြိုင်မည့် အင်တာမိုင်ယာမီအသင်းသည် မက်ဆီကို ခေါ်ယူရန် ကြိုးပမ်းလာခြင်းဖြစ်သည်။
အင်တာမိုင်ယာမီအသင်းပိုင်ရှင် ဒေးဗစ်ဘက်ခမ်သည် ၎င်း၏အသင်းကို နာမည်ကြီးကစားသမားများဖြင့် ဖွဲ့စည်းရန်ဆန္ဒရှိနေပြီး ယခုအခါ မက်ဆီကိုခေါ်ယူရန်အတွက် ၎င်း၏ဖခင်ဖြစ်သူနှင့်ဆွေးနွေးရန် ကိုယ်စားလှယ်တစ် ဦး စေလွှတ်ခဲ့ခြင်းဖြစ်သည်။
ဘာစီလိုနာအသင်းအနေဖြင့် အသင်း၏ အဓိကကစားသမားဖြစ်သူ မက်ဆီကို လက်လွှတ်လိုခြင်းမရှိဘဲ တစ်သက်တာစာချုပ်ချုပ်ဆိုရန် စီစဉ်နေသည်ဟု သတင်းများထွက်ပေါ်နေသည်။
သို့သော် ဘာစီလိုနာအသင်းအနေဖြင့် မက်ဆီသာ ထွက်ခွာမည်ဆိုပါက တားဆီးမည်မဟုတ်ဘဲ ကစားသမား၏ဆန္ဒအတိုင်း လိုက်လျောသွားမည်ဖြစ်ကြောင်း အသင်းဥက္ကဋ္ဌ ဘာတိုမူက ပြောကြားခဲ့သည်။
ထို့ကြောင့် ဘက်ခမ်သည် မက်ဆီကို ခေါ်ယူရန် စီစဉ်နေခြင်းလည်းဖြစ်သည်။
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
-
Nations League ကွာတားဖိုင်နယ်သို့ ပေါ်တူဂီနှင့် နယ်သာလန်အသင်း ထပ်မံတက်ရောက်ခဲ့ပြီး ဂျာမနီအသင်း ပြိုင်ပွဲသမိုင်းတွင် ဂိုးအပြတ်ဆုံးနိုင်ပွဲ စံချိန်တင်
