မြန်မာကြက်တောင်အားကစားမယ် သက်ထားသူဇာသည် မော်လ်ဒိုက်နိုင်ငံ၌ ကျင်းပမည့် ကြက်တောင်ပြိုင်ပွဲနှစ်ပွဲတွင် ပါဝင်ယှဉ်ပြိုင်ရန်အတွက် စက်တင်ဘာ ၁၆ ရက် နံနက်ပိုင်းတွင် မြန်မာနိုင်ငံမှ ဆက်လက်ထွက်ခွာသွားကြောင်း သိရသည်။
သက်ထားသူဇာသည် မော်လ်ဒိုက်နိုင်ငံ ၌ စက်တင်ဘာ ၁၇ ရက်မှ ၂၂ ရက်အထိ ကျင်းပမည့် Maldives International Future Series 2019 နှင့် စက်တင်ဘာ ၂၄ ရက်မှ ၂၉ ရက်အထိ ကျင်းပမည့် Maldives International Challenge ပြိုင်ပွဲများတွင် ဝင်ရောက်ယှဉ်ပြိုင်မည်ဖြစ်ပြီး ယင်းပြိုင်ပွဲများအတွက် မြန်မာနိုင်ငံမှ ထွက်ခွာသွားခြင်းဖြစ်သည်။
''အိုလံပစ်ပြိုင်ပွဲ ဝင်ရောက်ခွင့်ရဖို့အတွက် ယုံကြည်မှုအပြည့်ရှိပါတယ်။ ဒီကြားထဲမှာ ပြိုင်လို့ရတဲ့ ပြိုင်ပွဲတွေအားလုံးကို ဝင်ရောက်ယှဉ်ပြိုင်ပြီးတော့ အဆင်သင့်ဖြစ်အောင် ပြင်ဆင်သွားမှာပါ။ ကစားသမားတစ်ယောက်ဖြစ်နေတဲ့အတွက် ကိုယ်လုပ်စရာရှိတာတွေကို ဆက်လုပ်သွားမှာပါ''ဟု သက်ထားသူဇာက မီဒီယာများကို ဖြေကြားသည်။
သက်ထားသူဇာသည် ပြီးခဲ့သည့်သုံးလတာကာလအတွင်း ပြည်ပလေ့ကျင့်ရေးခရီးစဉ်သွားရောက်ခဲ့ပြီးနောက် မြန်မာနိုင်ငံတွင် စက်တင်ဘာ ၁၀ ရက်မှ ၁၅ ရက်အထိ အိမ်ရှင်အဖြစ် လက်ခံကျင်းပခဲ့သည့် International Series 2019 ကြက်တောင်ပြိုင်ပွဲတွင် ဝင်ရောက်ယှဉ်ပြိုင်ခဲ့သည်။
သက်ထားသူဇာသည် ယင်းပြိုင်ပွဲအပြီးတွင် အောင်မြင်မှု မရဘဲ ပူးတွဲတတိယဖြင့် ကျေနပ်ခဲ့ရပြီးနောက် အနားယူခြင်းမရှိဘဲ မော်လ်ဒိုက်နိုင်ငံသို့ ဆက်လက်ထွက်ခွာခဲ့ခြင်းဖြစ်သည်။
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
-
Nations League ကွာတားဖိုင်နယ်သို့ ပေါ်တူဂီနှင့် နယ်သာလန်အသင်း ထပ်မံတက်ရောက်ခဲ့ပြီး ဂျာမနီအသင်း ပြိုင်ပွဲသမိုင်းတွင် ဂိုးအပြတ်ဆုံးနိုင်ပွဲ စံချိန်တင်
