Top News

နာပိုလီအသင်းတိုက်စစ်မှူး လော်ရန်တေးက မိမိအနေဖြင့် စပါးအသင်းအတွက် လီဗာပူးလ်အသင်းကို လက်စားချေလိုသည်ဟု လီဗာပူးလ်နှင့် ကစားမည့် ချန်ပီယံလိဂ်ပွဲကြိုအဖြစ် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။

နာပိုလီအသင်းတိုက်စစ်မှူး လော်ရန်တေးက မိမိအနေဖြင့် စပါးအသင်းအတွက် လီဗာပူးလ်အသင်းကို လက်စားချေလိုသည်ဟု လီဗာပူးလ်နှင့် ကစားမည့် ချန်ပီယံလိဂ်ပွဲကြိုအဖြစ် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။

ပြီးခဲ့သည့်နွေရာသီအပြောင်းအရွှေ့ကာလအတွင်း နာပိုလီအသင်းသို့ ရောက်ရှိလာသည့် စပိန်ဝါရင့်တိုက်စစ်မှူး လော်ရန်တေးသည် ၂၀၁၈-၁၉ ရာသီ ချန်ပီယံလိဂ်ဗိုလ်လုပွဲ လီဗာပူးလ် (၂-၀) စပါးပွဲတွင် စပါးအသင်းအတွက် ပါဝင်ကစားခဲ့သူ ဖြစ်သည်။ 

လော်ရန်တေးက ယင်းချန်ပီယံလိဂ်ဗိုလ်လုပွဲအရှုံးမှာ နာကျင်နေဆဲဖြစ်ပြီး ယခုအခါ လီဗာပူးလ်အသင်းကို နာပိုလီအသင်းနှင့်အတူ လက်စားချေလိုသည်ဟု ပြောဆိုခဲ့ခြင်းဖြစ်သည်။ 

လော်ရန်တေးက "ပြီးခဲ့တဲ့ ရာသီက ချန်ပီယံလိဂ်ဗိုလ်လုပွဲမှာ လီဗာပူးလ်ကို ရှုံးနိမ့်ခဲ့တဲ့အတွက် ကျွန်တော် နာကျင်စွာခံစားခဲ့ရပါတယ်။ အခု လီဗာပူးလ်နဲ့ ပြန်တွေ့တဲ့အချိန်မှာ နာပိုလီအသင်းနဲ့အတူ ကျွန်တော် လက်စားချေချင်ပြီး နာပိုလီဟာ လီဗာပူးလ်လို အသင်းကောင်းတစ်သင်းဖြစ်တယ်ဆိုတာကို သက်သေပြချင်ပါတယ်။ ချန်ပီယံလိဂ်ပြိုင်ပွဲဟာ အလွန်ခက်ခဲတဲ့ ပြိုင်ပွဲဖြစ်ပေမယ့် ကျွန်တော်တို့အနေနဲ့ ဗိုလ်လုပွဲကို ရောက်နိုင်တဲ့ အင်အားရှိပါတယ်"ဟု ပြောကြားခဲ့သည်။ 

နာပိုလီအသင်းသည် အုပ်စု (E) တွင် လီဗာပူးလ်၊ KRC ဂျန့်၊ ဆာလ်ဇ်ဘာ့ဂ်အသင်းတို့နှင့်အတူ တစ်အုပ်စုတည်း ကျရောက်နေပြီး ယနေည (မြန်မာစံတော်ချိန် ဗုဒ္ဓဟူးနံနက် ၁:၃၀ နာရီ)တွင် အုပ်စုအဖွင့်ပွဲစဉ်အဖြစ် လီဗာပူးလ်အသင်းနှင့် အိမ်ကွင်း၌ လက်ခံကစားရမည်ဖြစ်သည်။