ဘာစီလိုနာအသင်းနည်းပြ ဗယ်လ်ဗာဒီ က အသင်းခေါင်းဆောင် မက်ဆီအနေဖြင့် ဒေါ့မွန်အသင်းနှင့်ကစားမည့် ချန်ပီယံလိဂ် အဖွင့်ပွဲတွင်ပါဝင်နိုင်ရန် မလွယ်ကူကြောင်း ဝန်ခံပြောကြားသည်။
မက်ဆီသည် ခြေသလုံးကြွက်သား ဒဏ်ရာကြောင့် သြဂုတ်လဆန်းကတည်းက အနားယူနေရခြင်းဖြစ်ပြီး ရာသီအဖွင့်ပွဲစဉ် လေးပွဲစလုံးကို လွဲချော်ခဲ့သလို စက်တင်ဘာ ၁၇ ရက်တွင် ဒေါ့မွန်အသင်းနှင့်ကစားရမည့် အဝေးကွင်းပွဲကိုလည်း ထပ်မံလွဲချော်ဖွယ်ရှိနေခြင်းဖြစ်သည်။
၎င်း၏အခြေအနေနှင့်ပတ်သက်၍ ဗလင်စီယာအသင်းနှင့်ပွဲမတိုင်မီ သတင်းစာရှင်းလင်းပွဲတွင် ဗယ်လ်ဗာဒီက ''ကျွန်တော်က ဆရာဝန်မဟုတ်ပါဘူး။ ဒါ ပေမဲ့ မက်ဆီရဲ့ဒဏ်ရာကတော့ နည်းနည်းတော့ကောင်းလာနေပြီလို့ ထင်ရပါတယ်။ အင်္ဂါနေ့ပွဲ (ချန်ပီယံလိဂ်) မှာ သူပါဝင်နိုင်ဖို့တော့ မလွယ်သေးပါဘူး။ သူက အရေးပါတဲ့ ကစားသမားဖြစ်လို့ တတ်နိုင်သမျှ အစောဆုံးတော့ ပြန်ကစားစေချင်ပါတယ်။ ဒါပေမဲ့ သူ့ကို ကြံ့ခိုင်မှုအပြည့် ပြန်ရစေချင်ပါတယ်။
ကျွန်တော်တို့က မက်ဆီမပါနိုင်တဲ့အကြောင်း အမြဲသတိထားပြီးပြောဆိုနေကြတာ သူက ကမ္ဘာ့အကောင်းဆုံး ကစားသမားဖြစ်လို့ပါ။ တကယ်တော့ သူမပါနိုင်တာကလည်း တခြားကစားသမားတွေအတွက် အခွင့်အရေးရစေပါတယ်''ဟု ပြောကြားသည်။
မက်ဆီသည် စက်တင်ဘာ ၁၅ ရက်တွင်မူ အသင်းဖော်များနှင့်အတူ လေ့ကျင့်ခန်း ပြုလုပ်နိုင်ခဲ့သောကြောင့် ပါဝင်နိုင်ခြင်းရှိမရှိ စောင့်ကြည့်ရမည်ဖြစ်သည်။
-
တစ်လအတွင်း ထိုင်းနိုင်ငံမှ တန်ဖိုးဒေါ်လာ သုည ဒသမ ၂၈ သန်းကျော်ရှိသည့် ဆေးဝါးပစ္စည်းများ တန်ချိန် ၂၀ ကျော် တင်သွင်း
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
