Top News

အဲဗာတန်နည်းပြအဖြစ် ဗစ်တာပယ်ရဲရားကို ခန့်အပ်ရန် ပိုမိုနီးစပ်လာ

24htopnews | October 27, 2024 12:12 AM CST

လစ်လပ်လျက်ရှိသည့် အဲဗာတန်အသင်းနည်းပြရာထူးအတွက် ပေါ်တူဂီလူမျိုးနည်းပြ ဗစ်တာပယ်ရဲရားကို ခန့်အပ်ရန် နီးစပ်လာနေကြောင်း BBC သတင်းဌာနက ဖော်ပြခဲ့သည်။

ပယ်ရဲရား(၅၃ နှစ်)သည် အဲဗာတန်အသင်းနှင့် ချိတ်ဆက်မှုများ ပြုလုပ်ခဲ့ပြီးဖြစ်ပြီး ၎င်းမှာ ပြီးခဲ့သည့်ဒီဇင်ဘာလတွင် ဖီနာဘာချီအသင်းမှ ထွက်ခွာလာပြီးကတည်းက အသင်းလက်မဲ့ဖြစ်နေသူဖြစ်သည်။

အဲဗာတန်အသင်းပိုင်ရှင် မိုရှီရီသည် အစောပိုင်းတွင် အသင်းနည်းပြဟောင်းဖြစ်သူ ဘယ်လ်ဂျီယံအသင်းနည်းပြ ရောဘတ်တိုမာတီနက်ဇ်ကို ပြန်လည်ခေါ်ယူရန် ကြိုးပမ်းခဲ့သော်လည်း ဘယ်လ်ဂျီယံ FA မှ ပယ်ချခဲ့သောကြောင့် ပယ်ရဲရားကို ပြောင်းလဲကြိုးပမ်းခဲ့ခြင်းဖြစ်ကြောင်း သိရသည်။