စပိန်နာမည်ကျော်နည်းပြ ဂွါဒီယိုလာသည် မန်စီးတီးအသင်းမှ ထွက်ခွာခဲ့လျှင် နယ်သာလန်လက်ရွေးစင်အသင်းနည်းပြအဖြစ် ကမ်းလှမ်းရန် ဒတ်ချ်ဘောလုံးအဖွဲ့ချုပ်(KNVB) က စိတ်ဝင်စားနေကြောင်း သိရသည်။
ဂွါဒီယိုလာအနေဖြင့် မန်စီးတီးအသင်းတွင် ၂၀၂၃ ခုနှစ်၊ ဇွန်လအထိ စာချုပ်သက်တမ်းရှိနေပြီး ၎င်းကိုယ်တိုင်ကလည်း တစ်နေ့နေ့တွင် နိုင်ငံလက်ရွေးစင်အသင်းနည်းပြအဖြစ်ဆောင်ရွက်သွားရန် ဆန္ဒရှိကြောင်း အတိအလင်းဝန်ခံထားသူဖြစ်သည်။
လက်ရှိနည်းပြ လူးဝစ်ဗန်ဟားလ်နေရာတွင် ဂွါဒီယိုလာမှာ အကောင်းဆုံးအစားထိုးမှုဖြစ်စေမည်ဟု KNVB က ရှုမြင်ထားကြောင်း သိရသည်။
ဂွါဒီယိုလာသည် မန်စီးတီးအသင်းတွင် ပရီးမီးယားလိဂ်ဖလား (၄)ကြိမ်၊ FA ဖလား (၁)ကြိမ်နှင့် လိဂ်ဖလား (၄)ကြိမ် ရယူပေးထားပြီး ယခုရက်သတ္တပတ်တွင် ပရီးမီးယားလိဂ် အမှတ်(၅၀၀)ကို အမြန်ဆုံးရယူနိုင်သည့်နည်းပြအဖြစ်လည်း မှတ်တမ်းဝင်ထားသူဖြစ်သည်။
နယ်သာလန်အသင်း၏လက်ရှိနည်းပြ ဗန်ဟားလ်မှာ ၂၀၂၂ ခုနှစ် အကုန်တွင် စာချုပ်သက်တမ်းကုန်ဆုံးမည်ဖြစ်ကြောင်း သိရသည်။
-
တစ်လအတွင်း ထိုင်းနိုင်ငံမှ တန်ဖိုးဒေါ်လာ သုည ဒသမ ၂၈ သန်းကျော်ရှိသည့် ဆေးဝါးပစ္စည်းများ တန်ချိန် ၂၀ ကျော် တင်သွင်း
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
