တနင်္သာရီတိုင်းဒေသကြီး ပုလောမြို့နယ် ကျောက္ကာကျေးရွာ လှေနစ်မြုပ်မှုတွင် ပျောက်ဆုံးသူ ၇၀ ကျော်ရှိကာ အလောင်းခုနစ်လောင်း ဆယ်ယူရရှိထားပြီး ၁၁ ဦး ဆေးကုသပေးထားရကြောင်း ဒေသခံပရဟိတအသင်းများထံမှ သိရသည်။
တနင်္သာရီတိုင်းဒေသကြီး၊ မြိတ်ခရိုင်၊ ပုလောမြို့နယ် ကျောက္ကာကျေးရွာမှ မြိတ်မြို့သို့ ထွက်ခွာလာသည့် စက်လှေတစ်စီးမှာ အောက်တိုဘာ ၂၀ ရက် ည ၉ နာရီကျော်က ကျောက္ကာကျေးအနီး ကျောက္ကာချောင်းဝ၌ နှစ်မြှပ်မှုဖြစ်ပွားခဲ့ကြောင်းသိရသည်။
စက်လှေနစ်မြှုပ်မှုကြောင့် သေဆုံး ခုနစ်ဦးနှင့် ပြင်ပလူနာ ငါးဦး၊ အတွင်းလူနာ ခြောက်ဦးတို့အား ကျောက္ကာဆေးရုံတွင် တင်ထားရကြောင်းနှင့် ပျောက်ဆုံးသူ ၇၀ ဦးခန့်ရှိကြောင်း သိရသည်။
“အခုထိ အလောင်း ခုနစ်လောင်း ရှာဖွေတွေ့ရှိထားပြီးပါပြီ။ ကျောင်းသူ/သားတွေလည်းပါတယ်၊ သီတင်းကျွတ်ကျောင်းပိတ်ရက် ရွာကိုပြန်တဲ့သူတွေပါ၊ ကျောင်းဖွင့်ရက်အမှီ မြို့ကို ပြန်သွားကြတော့ လမ်းခရီးမှာ ဒီလိုအဖြစ်ဆိုးတွေနဲ့ ကြုံရတာဖြစ်ပါတယ်။ ကျွန်တော်တို့လည်း ရေလမ်းခရီးတစ်ခုတည်းကနေ ကူညီပေးနေရတယ်။ ပုလော-မြိတ်ကားလမ်းက တိုက်ပွဲတွေကြောင့် ပိတ်နေတယ်။ ကားလမ်းအသုံးပြုလို့မရသေးဘူး။ အတော်လေးဒုက္ခရောက်ကြရတယ်ဗျာ” ဟု ပရဟိတသမားတစ်ဦးက ပြောကြားခဲ့သည်။
ကားလမ်းပိတ်နေသည့်အတွက် စက်လှေပေါ်တွင် ခရီးသွားပြည်သူအများစု လိုက်ပါလာကြောင်း သိရသည်။
ကျောက္ကာကျေးရွာမှ မြိတ်မြို့သို့ ထွက်ခွာလာသည့် စက်လှေသည် အောက်တိုဘာ ၂၀ ရက် ည ၉ နာရီ ၃၀ မိနစ်အချိန်ခန့်က ကျောက္ကာချောင်းဝတွင် နစ်မြှပ်မှုဖြစ်ပွားခဲ့ရာ ဒေသခံများက လှေများဖြင့် ကူညီကယ်ဆယ်ဆောင်ရွက်မှုကြောင့် ည ၁၁ နာရီ ၂၅ မိနစ်ခန့်က ကျောက္ကာဆေးရုံသို့ ပြင်ပလူနာ ငါးဦး၊ အတွင်းလူနာ ခြောက်ဦးတို့နှင့်အတူ သေဆုံးသူ ခုနစ်ဦးတို့အား ပို့ဆောင်ပေးခဲ့ကြောင်း သိရသည်။
ကူညီကယ်ဆယ်ရေးဆောင်ရွက်သူများ ကျောက္ကာကျေးရွာသို့ ဆက်လက်ထွက်ခွာနေပြီး ပျောက်ဆုံးသူများကို ရှာဖွေနေဆဲဖြစ်ကြောင်း သိရသည်။
-
နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့ ပြည်ထောင်စုနယ်မြေ နေပြည်တော်တွင် ပုံစံ ၁၅ ဖြင့် ကြိုတင်ဆန္ဒမဲပေး
-
မန္တလေးခရိုင်ရှိ ခုနစ်မြို့နယ်အနက် လူဦးရေ ထူထပ်သည့် ငါးမြို့နယ်၌ အသက် ၆၀ နှစ်နှင့်အထက် ကြိုတင်ဆန္ဒမဲပေးခြင်းကို အိမ်တိုင်ရာရောက် လိုက်လံကောက်ယူ
-
ရွေးကောက်ပွဲသည် တရားမျှတမှု နည်းနိုင်ကြောင်း ပြောဆိုနေသည့် အယူအဆအား မှားသည်ဟု ပြော၍မရကြောင်း ပြည်ထောင်စု ကောင်းကျိုးဆောင်ပါတီဥက္ကဋ္ဌ သူရဦးရွှေမန်း ပြောကြား
-
ပြည်ခိုင်ဖြိုးပါတီ၏ မဲဆွယ်စည်းရုံးရေးကို နှောင့်ယှက်ခဲ့သည့် NLD ပါတီ ထောက်ခံသူများအား အမှုဖွင့်
-
တောင်ကုတ်နှင့် ရမ်းဗြဲမြို့သို့ သွားရောက်ခဲ့သည့် ANP ဗဟိုအောင်နိုင်ရေး မဲဆွယ်စည်းရုံးရေးအဖွဲ့ ဇက်ရေယာဉ် ကမ်းကပ်ခွင့် မရသဖြင့် ချောင်းရေကိုသာ သောက်သုံးရေအဖြစ် တင်ဆောင်လာခဲ့ရ
