ဘာစီလိုနာအသင်းနောက်ခံလူ ပီကေးက ဘိုင်ယန်မြူးနစ်အသင်းကို (၂-၈)ဂိုးဖြင့် အရှက်တကွဲရှုံးနိမ့်ပြီးနောက် အသင်းကို ပြန်လည်တည်ဆောက်ရတော့မည်ဖြစ်ကြောင်း ပြောကြားခဲ့သည်။
ဘာစီလိုနာအသင်းသည် သြဂုတ်လ (၁၄)ရက်က ကစားခဲ့သည့် ချန်ပီယံလိဂ်ကွာတားဖိုင်နယ်ပွဲစဉ်တွင် ဘိုင်ယန်မြူးနစ်အသင်းကို (၂-၈)ဂိုးဖြင့် ရှုံးနိမ့်ခဲ့ပြီး ယင်းမှာ အသင်းသမိုင်းတစ်လျှောက် ဥရောပပြိုင်ပွဲ(ချန်ပီယံလိဂ်၊ ယူရိုပါလိဂ်)များတွင် အဆိုးရွားဆုံးရှုံးပွဲအဖြစ် မှတ်တမ်းဝင်ခဲ့သည်။
ထို့ကြောင့် ပီကေးက ဘာစီလိုနာအသင်းအနေဖြင့် ယခုကဲ့သို့ အရှက်တကွဲရှုံးနိမ့်မှုမျိုးနှင့် နောက်ထပ်မကြုံတွေ့စေရန် အသင်းကို ပြုပြင်ပြောင်းလဲမှုများ ပြုလုပ်ရမည်ဖြစ်ကြောင်း ပြောကြားခဲ့ခြင်းဖြစ်သည်။
ပီကေးက "အရမ်း ရှက်ဖို့ကောင်းပါတယ်။ ဒီလိုကစားလို့ မရပါဘူး။ ဥရောပပြိုင်ပွဲတွေမှာ ဒီလိုကစားလို့ မရပါဘူး။ ချန်ပီယံလိဂ်မှာ ကျွန်တော်တို့ ဒီလိုဖြစ်နေတာ ကြာပါပြီ။ ကျွန်တော်တို့အနေနဲ့ သေချာဆန်းစစ်ရတော့မှာပါ။ အသင်းကို ပြောင်းလဲဖို့ လိုနေပါပြီ။ ဒီရှုံးပွဲနဲ့ ပတ်သက်ပြီး ဘယ်သူကိုမှ ကျွန်တော် အပြစ်မတင်ချင်ပါဘူး။ ကျွန်တော်တို့အသင်းကို ဘက်ပေါင်းစုံကနေ ပြောင်းလဲဖို့၊ ပြန်လည်တည်ဆောက်ဖို့ လိုနေပါပြီ"ဟု ပြောကြားခဲ့သည်။
ထို့ုပြင် ပီကေးက ဘာစီလိုနာအသင်း ပြန်လည်တည်ဆောက်ရေးအတွက် လိုအပ်မည်ဆိုလျှင် မိမိအနေဖြင့် အသင်းမှထွက်ခွာရန် အသင့်ရှိကြောင်းလည်း ပြောကြားခဲ့သည်။
-
တစ်လအတွင်း ထိုင်းနိုင်ငံမှ တန်ဖိုးဒေါ်လာ သုည ဒသမ ၂၈ သန်းကျော်ရှိသည့် ဆေးဝါးပစ္စည်းများ တန်ချိန် ၂၀ ကျော် တင်သွင်း
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
