ဂျူဗင်တပ်စ်ဝါရင့်တိုက်စစ်မှူး စီရော်နယ်လ်ဒိုသည် အသင်းတွင် စာချုပ်သက်တမ်းကုန်ဆုံးသည်အထိ ရှိနေမည်ဖြစ်ပြီး ကစားသမားဘဝကို စပို့တင်းလစ္စဘွန်းအသင်းတွင် အဆုံးသတ်ရန်စီစဉ်နေကြောင်း သတင်းများထွက်ပေါ်နေသည်။
အသက် (၃၆)နှစ်အရွယ်ရှိ ပေါ်တူဂီအသင်းခေါင်းဆောင် စီရော်နယ်လ်ဒိုသည် ၂၀၂၂ ဇွန်လ (၃၀)ရက်တွင်မှ ဂျူဗင်တပ်စ်အသင်းနှင့် စာချုပ်သက်တမ်းကုန်ဆုံးမည်ဖြစ်သော်လည်း လာမည့်နွေရာသီတွင် အသင်းပြောင်းရွှေ့ဖွယ်ရှိနေသည်ဟု မီဒီယာများကဖော်ပြနေကြသည်။
သို့သော် နာမည်ကျော် အီတလီဂျာနယ်လစ်တစ်ဦးဖြစ်သူ ရိုင်မွန်ဒီက စီရော်နယ်လ်ဒိုအနေဖြင့် စာချုပ်သက်တမ်းမကုန်မီ ဂျူဗင်တပ်စ်အသင်းမှ ထွက်ခွာမည်မဟုတ်ကြောင်းနှင့် ကစားသမားဘဝကို စပို့တင်းလစ္စဘွန်းအသင်းတွင် အဆုံးသတ်မည်ဖြစ်ကြောင်း အီတလီအားကစားရုပ်သံ Mediaset သို့ ပြောကြားခဲ့သည်။
"စီရော်နယ်လ်ဒိုဟာ ဂျူဗင်တပ်စ်အသင်းနဲ့လမ်းခွဲပြီးတာနဲ့ စပို့တင်းလစ္စဘွန်းအသင်းမှာ (၂)နှစ် ကစားပါလိမ့်မယ်။ သူဟာ ဂျူဗင်တပ်စ်အသင်းနဲ့ ၂၀၂၂ ခုနှစ်မှ စာချုပ်သက်တမ်း ကုန်ဆုံးမှာဖြစ်ပြီး စာချုပ်သက်တမ်းမကုန်ဆုံးမီ အသင်းကထွက်ခွာဖို့ မရှိပါဘူး။ ဂျူဗင်တပ်စ်အသင်းနဲ့ ချုပ်ဆိုထားတဲ့ စာချုပ်ကို သူ တန်ဖိုးထားပါတယ်။ ဒါကြောင့် လာမယ့်နွေမှာ ရီးယဲလ်တို့၊ မန်ယူတို့ကို ပြန်ပြောင်းမယ်ဆိုတာ မဟုတ်ပါဘူး"ဟု ရိုင်မွန်ဒီက ဆိုခဲ့သည်။
စီရော်နယ်လ်ဒိုသည် စပို့တင်းလစ္စဘွန်းအကယ်ဒမီထွက်ကစားသမားတစ်ဦးဖြစ်ပြီး ၂ဝဝ၃ ခုနှစ်တွင် မန်ယူအသင်းသို့ ပေါင်(၁၂.၂၄)သန်းဖြင့် ပြောင်းရွှေ့ခဲ့သည်။
ထို့ကြောင့် စီရော်နယ်လ်ဒိုသည် ကစားသမားဘဝမှ အနားမယူမီ ပရော်ဖက်ရှင်နယ်ကစားသမားဘဝ စတင်ခဲ့သည့် စပို့တင်းလစ္စဘွန်းအသင်းတွင် ကစားရန်စီစဉ်နေခြင်းဖြစ်ကြောင်း သိရှိရသည်။
-
တစ်လအတွင်း ထိုင်းနိုင်ငံမှ တန်ဖိုးဒေါ်လာ သုည ဒသမ ၂၈ သန်းကျော်ရှိသည့် ဆေးဝါးပစ္စည်းများ တန်ချိန် ၂၀ ကျော် တင်သွင်း
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
