မြန်မာနိုင်ငံက အိမ်ရှင်အဖြစ်လက်ခံကျင်းပမည့် အာရှဘောလုံးအဖွဲ့ချုပ် ကလပ်အသင်းများပြိုင်ပွဲ( AFC Challenge League 2024 )ကို မြန်မာ၊ လာအို၊ တိုင်ပေ သုံးသင်းအုပ်စုပတ်လည် ယှဉ်ပြိုင်ကစားသွားမည်ဖြစ်ကြောင်း သိရသည်။
အဆိုပါ ပွဲစဉ်ကို အောက်တိုဘာ (၂၇) ရက်မှ နိုဝင်ဘာ(၂) ရက်အထိ (၆)ရက်ကြာ ကျင်းပပြုလုပ်သွားမည်ဖြစ်ပြီး ပြိုင်ပွဲသို့ ပြည်တွင်း ချန်ပီယံအသင်း(၁)သင်းဖြစ်သည့် ရှမ်းယူ
နိုက်တက်အသင်းက ဝင်ရောက်ကစားသွားမည်ဖြစ်သည်။
မနက်ဖြန် အောက်တိုဘာ (၂၇)ရက် ညနေ (၄)နာရီအချိန်တွင် (၃)သင်းအုပ်စုပတ်လည် အဖွင့်ပွဲစဉ်အဖြစ် ရှမ်းယူနိုက်တက်အသင်းနှင့် လာအို (Young Elephants )အသင်းတို့ ယှဉ်ပြိုင်ကစားသွားကြမည်ဖြစ်သည်။
” ရှမ်းယူနိုက်တက် အသင်းဟာ မိခင်မြန်မာနိုင်ငံ ကိုယ်စားပြု ကစားရတာ ဖြစ်လို့ ပွဲတိုင်းကို အနိုင်ကစားပြီး နောက်တစ်ဆင့် တက်ရောက်နိုင်ဖို့ ပစ်မှတ်ထား လေ့ကျင့်လျက် ရှိပါတယ်။ နိုင်ငံ့ဂုဏ်ဆောင်နိုင်ရေး ကြိုးပမ်းမှုမှာ ပရိသတ်တွေရဲ့ အားပေးမှုက အရမ်းကို အရေးပါနေပြီး၊ ပရိသတ်များလေ ကစားရတာ အားရှိလေပါပဲ။ရှမ်းယူနိုက်တက် အသင်းကို အကောင်းဆုံး ဖြစ်အောင်တည်ဆောက်ထားပြီး ပရိသတ်တွေ ဂုဏ်ယူရတဲ့ အသင်းဖြစ်အောင် ကြိုးစားလျက်ရှိပါတယ်။ ဒါကြောင့် အရေးကြီးတဲ့ ပထမဆုံး အဖွင့်ပွဲကနေစပြီး သုဝဏ္ဏကွင်းထဲအရောက်လာအားပေးကြဖို့ ဖိ တ်ခေါ်ပါတယ်ခင်ဗျာ” ဟု ရှမ်းယူနိုက်အသင်းက ပရိတ်သတ်ထံ အသိပေးစကား ဆိုထားသည်။
-
နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့ ပြည်ထောင်စုနယ်မြေ နေပြည်တော်တွင် ပုံစံ ၁၅ ဖြင့် ကြိုတင်ဆန္ဒမဲပေး
-
မန္တလေးခရိုင်ရှိ ခုနစ်မြို့နယ်အနက် လူဦးရေ ထူထပ်သည့် ငါးမြို့နယ်၌ အသက် ၆၀ နှစ်နှင့်အထက် ကြိုတင်ဆန္ဒမဲပေးခြင်းကို အိမ်တိုင်ရာရောက် လိုက်လံကောက်ယူ
-
ရွေးကောက်ပွဲသည် တရားမျှတမှု နည်းနိုင်ကြောင်း ပြောဆိုနေသည့် အယူအဆအား မှားသည်ဟု ပြော၍မရကြောင်း ပြည်ထောင်စု ကောင်းကျိုးဆောင်ပါတီဥက္ကဋ္ဌ သူရဦးရွှေမန်း ပြောကြား
-
ပြည်ခိုင်ဖြိုးပါတီ၏ မဲဆွယ်စည်းရုံးရေးကို နှောင့်ယှက်ခဲ့သည့် NLD ပါတီ ထောက်ခံသူများအား အမှုဖွင့်
-
တောင်ကုတ်နှင့် ရမ်းဗြဲမြို့သို့ သွားရောက်ခဲ့သည့် ANP ဗဟိုအောင်နိုင်ရေး မဲဆွယ်စည်းရုံးရေးအဖွဲ့ ဇက်ရေယာဉ် ကမ်းကပ်ခွင့် မရသဖြင့် ချောင်းရေကိုသာ သောက်သုံးရေအဖြစ် တင်ဆောင်လာခဲ့ရ
