တရုတ်-မြန်မာနယ်စပ် မူဆယ်ဂိတ်တွင် ကုန်စိမ်းပစ္စည်းမှ လွဲ၍ အခြားကုန်ပစ္စည်းများကို ယနေ့ အောက်တိုဘာ (၂၆) ရက်အထိ ယာယီတင်သွင်းခွင့်ပိတ်ထားဆဲဖြစ်သည်ဟု မူဆယ်မြို့ ဒေသခံကုန်သည်တစ်ဦးက ပေါ်ပြူလာနယူးစ်သို့ပြောသည်။
မူဆယ်ဂိတ် ကုန်ပစ္စည်းတင်သွင်းခွင်းများပိတ်သည်ဆိုသည့် သတင်းကြောင့် မြို့တွင်း စက်သုံးဆီဝယ်ယူခွင်များကို အကန့်အသတ်ဖြင့်သာ ရောင်းချနေကြပြီး အချို့စက်သုံးဆီဆိုင်များ ပိတ်ထားကြောင်း ၎င်းက ဆိုသည်။
တရုတ်နိုင်ငံအစိုးရအနေဖြင့် စားသောက်ကုန်၊ စက်သုံးပစ္စည်း၊ ဆေးဝါးပစ္စည်း၊ လျှပ်စစ်ပစ္စည်း နှင့် ဆောက်လုပ်ရေး ပစ္စည်းတို့ကို တင်သွင်းခွင့် ယာယီ ကန့်သတ်သည့်အတွက် ဒေသတွင်းကုန်ဈေးနှုန်းများမြင့်တက်လာမည်ကို ဒေသခံများ အထူးစိုးရိမ်နေကြကြောင်း သိရသည်။
“အခုလူအဝင်အထွက်တွေတော့ရတယ်။ အဓိက ကုန်ပစ္စည်းတွေကို တင်သွင်းခွင့်မပြုတာပေါ့။ ကုန်စိမ်းတွေတော့ပေးဖြတ်ပေးမယ့် တရုတ်ဘက်ရော မြန်မာဘက်ကရော အရင်လိုမဟုတ်တော့ဘူး။ သေချာစိစစ်တယ်။ အသီးဖာတွေဆိုလည်း အရင်က အပေါ်ယံလောက်စစ်ဆေးတာ။ အခုက အကုန်ဖောက်စစ်တာ။ကုန်စိမ်းကားတွေဆို လေးငါးရက် ကြာတယ်။ တစ်စီးတစ်စီးထွက်ဖို့က မလွယ်ဘူး”ဟု ၎င်းက ရှင်းပြသည်။
မူဆယ်ဂိတ်တွင် ကုန်ပစ္စည်းတင်သွင်းခွင့် ကန်သတ်ထားခြင်းကြောင့် ဒေသခံများ တရုတ်ဘက်မှဝင်ရောက်လာမည့် စက်သုံးဆီ ပြတ်တောက်မည်ကို စိုးရိမ်သဖြင့် စက်သုံးဆီများ အလုအယက်ဝယ်ယူနေကြသော်လည်း အကန့်အသတ်ဖြစ်တာ ရောင်းချပေးနေသည်ဟု နောက်ထပ်ဒေသခံတစ်ဦးက ပြောသည်။
“စက်သုံးဆီက အိမ်စီးကားဆို ငါးသောင်းဖိုးဘဲရောင်းပေးတယ်။ ဆီပုံးတွေနဲ့ တန်းစီတာမျိုး လာဝယ်တာမျိုးမရောင်းပေးဘူး။ အချို့ဆိုင်တွေဆို ပိတ်ထားကြတယ်”ဟု ဆိုသည်။
ထို့ပြင် တရုတ်နိုင်ငံဘက်မှ ကုန်ပစ္စည်းကန့်သတ်တင်သွင်းခွင့်ပြုနေခြင်းကြောင့်ရေရှည်တွင် စားဝတ်နေရေး အတွက်စိုးရိမ်လာနေပြီး ကုန်ဈေးနှုန်း မြင့်တက်လာမည်ကို စိုးရိမ်နေကြကြောင်း သိရသည်။
လက်ရှိတွင် တရုတ်- မြန်မာ နယ်စပ်ဂိတ်များတွင် ပုံမှန်အတိုင်း ကုန်စည်တင်သွင်းခွင့်ပြုဆဲ ဂိတ် (၆)ခု ရှိနေပြီး၊ ကုန်စည်တင်သွင်းခွင့် ပိတ်ထားသည့်ဂိတ် (၇)ခု၊ ကုန်စည်တင်သွင်းခွင့် ကန့်သတ်ထားသည့် ဂိတ် (၃)ခု စုစုပေါင်း ဂိတ် (၁၆) ခုရှိကြောင်း သိရသည်။
-
နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့ ပြည်ထောင်စုနယ်မြေ နေပြည်တော်တွင် ပုံစံ ၁၅ ဖြင့် ကြိုတင်ဆန္ဒမဲပေး
-
မန္တလေးခရိုင်ရှိ ခုနစ်မြို့နယ်အနက် လူဦးရေ ထူထပ်သည့် ငါးမြို့နယ်၌ အသက် ၆၀ နှစ်နှင့်အထက် ကြိုတင်ဆန္ဒမဲပေးခြင်းကို အိမ်တိုင်ရာရောက် လိုက်လံကောက်ယူ
-
ရွေးကောက်ပွဲသည် တရားမျှတမှု နည်းနိုင်ကြောင်း ပြောဆိုနေသည့် အယူအဆအား မှားသည်ဟု ပြော၍မရကြောင်း ပြည်ထောင်စု ကောင်းကျိုးဆောင်ပါတီဥက္ကဋ္ဌ သူရဦးရွှေမန်း ပြောကြား
-
ပြည်ခိုင်ဖြိုးပါတီ၏ မဲဆွယ်စည်းရုံးရေးကို နှောင့်ယှက်ခဲ့သည့် NLD ပါတီ ထောက်ခံသူများအား အမှုဖွင့်
-
တောင်ကုတ်နှင့် ရမ်းဗြဲမြို့သို့ သွားရောက်ခဲ့သည့် ANP ဗဟိုအောင်နိုင်ရေး မဲဆွယ်စည်းရုံးရေးအဖွဲ့ ဇက်ရေယာဉ် ကမ်းကပ်ခွင့် မရသဖြင့် ချောင်းရေကိုသာ သောက်သုံးရေအဖြစ် တင်ဆောင်လာခဲ့ရ
