ဖွံ့ဖြိုးပြီးစီးပွားရေးနိုင်ငံများတွင် ဈေးကွက်ဝင်ရောက်မှုမြှင့်တင်ရေးတို့၌ မူပိုင်ခွင့်အကာအ ကွယ်ပေးမှု၏အရေးပါပုံကို ကိုရီးယားနိုင်ငံဆိုင်ရာ မြန်မာသံအမတ်ကြီးဦးသန့်စင်က အလေးပေးပြောကြားခဲ့သည်။
ယမန်နေ့ အောက်တိုဘာ ၂၄ ရက်က ဆိုးလ်မြို့တွင်ကျင်းပခဲ့သည့် “၂၀၂၄ ခုနှစ် ကိုရီးယား-အာဆီယံမူပိုင်ခွင့်ဆိုင်ရာပူးပေါင်းဆောင် ရွက်မှုညီလာခံ”သို့တက်ရောက်၍ ဂုဏ်ပြုမိန့်ခွန်းပြောကြားရာ၌ ၄င်းကထည့်သွင်းပြောကြားခဲ့ခြင်းဖြစ်သည်။
ကိုရီးယားနိုင်ငံနှင့် အာဆီယံဒေသတို့တွင် နိုင်ငံ ခြားရင်းနှီးမြှုပ်နှံမှုမြှင့်တင်ရေး၊ ပြည်တွင်းသု တေသနနှင့်ဖွံ့ဖြိုးတိုးတက်မှုဆိုင်ရာဆောင်ရွက်မှုများကို တိုက်တွန်းအားပေးရေး၊ နည်းပညာများခေတ်မီတိုးတက်စေရေးတို့ကိုလည်း ပြောကြားခဲ့သည်။
ထို့ပြင် ဆန်းသစ်တီထွင်မှုများကို တိုက်တွန်းအားပေးရေးနှင့် အထူးသဖြင့် ဖွံ့ဖြိုးပြီးစီးပွားရေးနိုင်ငံများတွင် ဈေးကွက်ဝင်ရောက်မှုမြှင့်တင်ရေး၌ မူပိုင်ခွင့်အကာအကွယ်ပေးမှူ၏ အရေးပါပုံကိုလည်း အလေးထားပြောကြားခဲ့သည်။
ထို့အတူ မူပိုင်ခွင့်များဆိုင်ရာ သိကောင်းစရာများကို အများပြည်သူသိရှိနားလည်မှုမြှင့်တင်ရန် ခိုင်ခိုင်မာမာပူးပေါင်းဆောင်ရွက်မှုသည် ကိုရီးယားနှင့်အာဆီယံကြား သဘောတူထားသည့် ဘက်စုံမဟာဗျူဟာမြောက်မိတ်ဖက်ဆက်ဆံရေးအောက်ရှိ ကတိကဝတ်များကို အောင်မြင်စွာ အကောင်အထည်ဖော်နိုင်ရေးအတွက် အဓိကကျသည့် အချက်တစ်ခုဖြစ်သည်ဟုလည်း ပြောကြားခဲ့သည်။
“၂၀၂၄ ခုနှစ် ကိုရီးယား-အာဆီယံမူပိုင်ခွင့်ဆိုင် ရာပူးပေါင်းဆောင်ရွက်မှုညီလာခံ”ကို ကိုရီးယားနှင့်အာဆီယံနိုင်ငံများတွင် မူပိုင်ခွင့်ဆိုင်ရာလက်ရှိအခြေအနေများကို အကဲဖြတ်သုံးသပ်ရန်နှင့် မူပိုင်ခွင့်ဆိုင်ရာကိစ္စများတွင် ကိုရီးယားနှင့်အာဆီယံ၏ ပုဂ္ဂလိကကဏ္ဍများကြား ပူးပေါင်းဆောင်ရွက်ရေးအတွက် ပလက်ဖောင်းတစ်ခုထူထောင်ပေးရန်ရည်ရွယ်၍ ကျင်းပခြင်းဖြစ်ကြောင်း သိရသည်။
-
ဖိလစ်ပိုင်ကို အရေးနိမ့်ခဲ့သည့် မြန်မာအမျိုးသမီးအသင်း အာရှအားကစားပြိုင်ပွဲ အုပ်စုအဆင့်မှ ထွက်ခဲ့ရ
-
■ နည်းပြဘဝအတွက် အူန်ယွန်းဘာလင်ကို ရွေးချယ်ခဲ့ခြင်းဟု ဘိုနူချီ ဆို
-
■ ရီးယဲလ်နှင့် ကာမာဗင်ဂါ သက်တမ်းတိုးစာချုပ်ချုပ်ဆိုရန် နီးစပ်
-
■ မာဆေးလ်အသင်းကို ဆော်ဒီရင်းနှီးမြှုပ်နှံမှုကုမ္ပဏီ ဝယ်ယူနိုင်ခဲ့ပါက ဇီဒန်းကို နည်းပြအဖြစ် ခန့်အပ်ရန် သဘောတူညီမှုရရှိထား
-
■ လီဗာပူးလ်အသင်း၏ ရှယ်ယာအချို့ကို အသင်းပိုင်ရှင်များဖြစ်သည့် FSG က အမေရိကန်လုပ်ငန်းစု Dynasty Equity သို့ ရောင်းထုတ်
