ဘိုင်ယန်မြူးနစ်အသင်းသည် အသင်း၏လေ့ကျင့်ရေးအစီအစဉ်ကို လာရောက်ခဲ့ခြင်းမရှိဘဲ ပျက်ကွက်ခဲ့သည့် ကွင်းလယ်ကစားသမား ရီနာတိုဆန်းချက်စ်ကို ယူရို (၁၀၀၀၀) ဒဏ်ရိုက်ခဲ့ကြောင်း ဂျာမန်မီဒီယာများက ဖော်ပြခဲ့ကြသည်။
ဘိုင်ယန်မြူးနစ်အသင်းသည် အသင်း၏လေ့ကျင့်ရေးအစီအစဉ်ကို လာရောက်ခဲ့ခြင်းမရှိဘဲ ပျက်ကွက်ခဲ့သည့် ကွင်းလယ်ကစားသမား ရီနာတိုဆန်းချက်စ်ကို ယူရို (၁၀၀၀၀) ဒဏ်ရိုက်ခဲ့ကြောင်း ဂျာမန်မီဒီယာများက ဖော်ပြခဲ့ကြသည်။
အသက် (၂၂) နှစ်အရွယ်ရှိ ပေါ်တူဂီကွင်းလယ်ကစားသမား ရီနာတိုဆန်းချက်စ်သည် ဘိုင်ယန်မြူးနစ် (၂-၂) ဟာဘာသာလင်ပွဲတွင် ပွဲချိန် (၅) မိနစ်သာ ကစားခွင့်ရခဲ့သည့်အတွက် အသင်းနည်းပြ ကိုဗက်ကို ဝေဖန်ခဲ့သဖြင့် အသင်းနှင့် ပြဿနာတက်နေသူဖြစ်သည်။
ရီနာတိုဆန်းချက်စ်သည် ဟာသာဘာလင်နှင့်ပွဲအပြီးတွင် ပြုလုပ်သည့် ဘိုင်ယန်မြူးနစ်၏အသင်းလေ့ကျင့်ရေးအစီအစဉ်ကို လာရောက်ခြင်းမရှိခဲ့ကြောင်း သိရသည်။
ဘိုင်ယန်မြူးနစ်အသင်းနည်းပြ ကိုဗက်က ရီနာတိုဆန်းချက်စ်ကို ဒဏ်ရိုက်ကြောင်း အတည်ပြုခဲ့သော်လည်း ဒဏ်ကြေးပမာဏကိုမူ ထုတ်ပြောခဲ့ခြင်း မရှိခဲ့ပေ။
ကိုဗက်က "ရီနာတိုဆန်းချက်စ်ကို ဒဏ်ရိုက်တယ်ဆိုတာ မှန်ပါတယ်။ ဟာသာဘာလင်နဲ့ ပွဲအပြီးမှာ ပြုလုပ်တဲ့ အသင်းရဲ့ လေ့ကျင့်ရေးအစီအစဉ်ကို ပျက်ကွက်ခဲ့တာကြောင့် ဆန်းချက်စ်ကို ဒဏ်ရိုက်ခဲ့တာပါ"ဟု ဆိုခဲ့သည်။
ဘိုင်ယန်မြူးနစ်အသင်းအနေဖြင့် ရီနာတိုဆန်းချက်စ်အား ဒဏ်ငွေမည်မျှရိုက်သည်ကို ထုတ်ပြန်ခဲ့ခြင်းမရှိသော်လည်း ယူရို (၁၀၀၀၀) ဖြစ်သည်ဟု ဂျာမန်မီဒီယာများက ဖော်ပြခဲ့ကြသည်။
ရီနာတိုဆန်းချက်စ်သည် ဘိုင်ယန်မြူးနစ်အသင်းတွင် ပွဲကစားခွင့်နည်းပါးခြင်းကြောင့် အသင်းမှထွက်ခွာရန် ပြင်ဆင်နေပြီး ၎င်းအား ခေါ်ယူရန် လေဗာကူဆင်၊ ဟော်ဖန်ဟင်မ်နှင့် လိုင်လီအသင်းတို့က စိတ်ဝင်စားနေကြောင်း သိရသည်။
-
နယူးဒေလီမြို့တော်တွင် မီးခိုးမြူများ ဖုံးလွှမ်းမှုကြောင့် မူလတန်းကျောင်းအားလုံး ပိတ်ထားခဲ့ရ
-
ဖိလစ်ပိုင်တွင် စူပါတိုင်ဖွန်းမန်-ယီ တိုက်ခတ်မှုကြောင့် သစ်ပင်များနှင့် ဓာတ်တိုင်များ လဲကျ
-
eSports လောကသို့ဝင်ရောက်ရန် ဆွေးနွေးမည်ဟု ဘိုင်ယန်မြူးနစ်အသင်း ဘုတ်အဖွဲ့ဥက္ကဋ္ဌ ရူမင်နစ်ဂီ ပြောကြား
-
အာဖဂန်နစ္စတန်မှ ဆုတ်ခွာခဲ့ပြီးနောက် အမေရိကန်သည် စူပါပါ၀ါနိုင်ငံ မဟုတ်တော့ဟု ဗြိတိန် ကာကွယ်ရေးဝန်ကြီးက ပြောကြား
-
မြန်မာနိုင်ငံသို့ သွားရောက်နိုင်ရေး အာဆီယံအထူးကိုယ်စားလှယ်အနေဖြင့် ကြိုးပမ်းနေဆဲဟု မလေးရှား နိုင်ငံခြားရေးဝန်ကြီး ပြောကြား
