အင်တာမိုင်ယာမီအသင်း၏ ပူးတွဲပိုင်ရှင် ဒေးဗစ်ဘက်ခမ်သည် ဘာစီလိုနာတိုက်စစ်မှူး ဆွာရက်ဇ်အား ၂၀၂၀ မေဂျာလိဂ်ပြိုင်ပွဲမတိုင်မီ ခေါ်ယူရန် ပစ်မှတ်ထားနေကြောင်း စပိန်အားကစားသတင်းစာ Mundo Deportivo က ဖော်ပြခဲ့သည်။
အင်တာမိုင်ယာမီအသင်း၏ ပူးတွဲပိုင်ရှင် ဒေးဗစ်ဘက်ခမ်သည် ဘာစီလိုနာတိုက်စစ်မှူး ဆွာရက်ဇ်အား ၂၀၂၀ မေဂျာလိဂ်ပြိုင်ပွဲမတိုင်မီ ခေါ်ယူရန် ပစ်မှတ်ထားနေကြောင်း စပိန်အားကစားသတင်းစာ Mundo Deportivo က ဖော်ပြခဲ့သည်။
၂၀၂ဝခုနှစ် မေဂျာလိဂ်ပြိုင်ပွဲတွင် ပါဝင်ယှဉ်ပြိုင်မည့် အင်တာမိုင်ယာမီအသင်းသည် လက်ရှိအချိန်တွင် ကစားသမား (၂) ဦးခေါ်ယူထားပြီး ပြိုင်ပွဲမတိုင်မီ ကစားသမားသစ်များ ထပ်မံခေါ်ယူသွားရမည်ဖြစ်သည်။
အသက် (၃၂)နှစ်ရှိ ဥရုဂွေးဝါရင့်တိုက်စစ်မှူး ဆွာရက်ဇ်သည် ဘာစီလိုနာအသင်းနှင့်စာချုပ်သက်တမ်း (၂) နှစ်ကျန်ရှိနေသေးသူဖြစ်ပြီး ပြီးခဲ့သည့်ရာသီများအတွင်း ဒဏ်ရာမကြာခဏရရှိခဲ့ကာ ယခုရာသီအစပွဲစဉ်တွင်လည်း ခြေသလုံးဒဏ်ရာရရှိခဲ့၍ တစ်လခန့် အနားယူရဖွယ်ရှိနေသည်။
သို့ဖြစ်ရာ ဆွာရက်ဇ်အနေဖြင့် ယခုရာသီကုန်တွင် ဘာစီလိုနာအသင်းမှ ထွက်ခွာဖွယ်ရှိနေပြီး ၎င်းနှင့်ရင်းနှီးသည့်ဆက်ဆံရေးရှိသော ဘက်ခမ်ပိုင်ဆိုင်သည့် အင်တာမိုင်ယာမီအသင်းသို့ သွားရောက်ကစားဖွယ်ရှိနေသည်ဟု ဖော်ပြခဲ့သည်။
အင်တာမိုင်ယာမီအသင်းသည် ယခုလအစောပိုင်းကလည်း ဆွာရက်ဇ်၏လက်ရွေးစင်အသင်းဖော် PSG အသင်းတိုက်စစ်မှူး ကာဗာနီကို ခေါ်ယူရန်အတွက် ကြိုတင်သဘောတူညီမှုရရှိထားပြီဆိုသည့်သတင်းထွက်ပေါ်လာခဲ့သည်။
အင်တာမိုင်ယာမီအသင်းသည် လက်ရှိအချိန်အထိ တရားဝင်နည်းပြခန့်အပ်ခြင်းမရှိသေးသော်လည်း မန်ယူနည်းပြဟောင်း ဒေးဗစ်မွိုက်စ်က နည်းပြရာထူးအတွက် စိတ်ဝင်စားနေသည်ဟု ပြီးခဲ့သည့်ရက်ပိုင်းက ဖွင့်ဟဝန်ခံခဲ့ကြောင်း သိရသည်။
-
နယူးဒေလီမြို့တော်တွင် မီးခိုးမြူများ ဖုံးလွှမ်းမှုကြောင့် မူလတန်းကျောင်းအားလုံး ပိတ်ထားခဲ့ရ
-
ဖိလစ်ပိုင်တွင် စူပါတိုင်ဖွန်းမန်-ယီ တိုက်ခတ်မှုကြောင့် သစ်ပင်များနှင့် ဓာတ်တိုင်များ လဲကျ
-
eSports လောကသို့ဝင်ရောက်ရန် ဆွေးနွေးမည်ဟု ဘိုင်ယန်မြူးနစ်အသင်း ဘုတ်အဖွဲ့ဥက္ကဋ္ဌ ရူမင်နစ်ဂီ ပြောကြား
-
အာဖဂန်နစ္စတန်မှ ဆုတ်ခွာခဲ့ပြီးနောက် အမေရိကန်သည် စူပါပါ၀ါနိုင်ငံ မဟုတ်တော့ဟု ဗြိတိန် ကာကွယ်ရေးဝန်ကြီးက ပြောကြား
-
မြန်မာနိုင်ငံသို့ သွားရောက်နိုင်ရေး အာဆီယံအထူးကိုယ်စားလှယ်အနေဖြင့် ကြိုးပမ်းနေဆဲဟု မလေးရှား နိုင်ငံခြားရေးဝန်ကြီး ပြောကြား
