ပေါ်တူဂီအခြေစိုက် TVI ရုပ်သံနှင့် အင်တာဗျူးတွင် အနာဂတ်အစီအစဉ်နှင့် ကစားသမားဘဝမှ အနားယူမည့်အကြောင်း မေးမြန်းစဉ် စီရော်နယ်လ်ဒိုက ယင်းကဲ့သို့ ဖြေကြားခဲ့ခြင်းဖြစ်သည်။
ဂျူဗင်တပ်စ်အသင်းတိုက်စစ်မှူး စီရော်နယ်လ်ဒိုက မိမိအနေဖင့် လာမည့်နှစ်တွင် ကစားသမားဘဝမှ အနားယူနိုင်ခြေရှိသလို အသက် ၄၀ အထိလည်း ဆက်ကစားနိုင်ဖွယ်ရှိကြောင်း ပြောကြားခဲ့သည်။
ပေါ်တူဂီအခြေစိုက် TVI ရုပ်သံနှင့် အင်တာဗျူးတွင် အနာဂတ်အစီအစဉ်နှင့် ကစားသမားဘဝမှ အနားယူမည့်အကြောင်း မေးမြန်းစဉ် စီရော်နယ်လ်ဒိုက ယင်းကဲ့သို့ ဖြေကြားခဲ့ခြင်းဖြစ်သည်။
"အဲဒီအကြောင်း ကျွန်တော်မတွေးထားပါဘူး။ လာမယ့်နှစ်မှာပဲ ကစားသမားဘဝကို စွန့်လွှတ်နိုင်ခြေရှိပါတယ်။ ဒါပေမဲ့ အသက် ၄၀ ဒါမှမဟုတ် ၄၁ နှစ်အထိလည်း ဆက်ကစားဖြစ်နိုင်ပါတယ်။ ဘယ်အချိန်မှာ ရပ်တန့်ဖြစ်မလဲ ဆိုတာတော့ ကျွန်တော်မသိပါဘူး။ ပျော်စရာအခိုက်အတန့်တွေကို ဆက်ပြီးပိုင်ဆိုင်ချင်ပါသေးတယ်" ဟု ၎င်းက ဆိုသည်။ ထို့ အပြင် တစ်ဦးချင်းစံချိန်မှတ်တမ်းများစွာ တင်ရှိထားခြင်းနှင့် ပတ်သက်၍ စီရော်နယ်လ်ဒိုက "ကျွန်တော့်ထက်ပိုပြီး စံချိန်တွေ တင်ထားနိုင်တဲ့ဘောလုံးသမား ဘယ်သူရှိလို့လဲ။ ကျွန်တော့်ထက် စံချိန်မှတ်တမ်းပိုများတဲ့ ဘောလုံးသမားရှိတယ်လို့တောင်မထင်ပါဘူး" ဟု ပြောကြားခဲ့သည်။
အသက် ၃၄ နှစ်ရှိပြီဖြစ်သည့် စီရော်နယ်လ်ဒိုသည် ၂၀၁၈ ခုနှစ် နွေရာသီတွင် ရီးယဲလ်အသင်းမှ ဂျူဗင်တပ်စ်အသင်းသို့ ယူရိုသန်း ၁၀၀ ဖြင့် ပြောင်းရွှေ့လာသူဖြစ်ပြီး ၂၀၂၂ ခုနှစ်အထိ သက်တမ်းရှိသည့် လေးနှစ်စာချုပ် ချုပ်ဆိုထားသည်။ ၎င်းသည် ဂျူဗင်တပ်စ်အသင်းအတွက် ပထမဆုံးကစားခွင့်ရသည့်ရာသီမှာပင် စီးရီးအေပြိုင်ပွဲ၌ ၂၁ ဂိုးအပါအဝင် ပြိုင်ပွဲစုံ ၂၈ ဂိုးသွင်းယူ ပြီး အသင်း၏ ဂိုးအများဆုံးကစားသမားအဖြစ် ရပ်တည်နိုင်ခဲ့သည်။
ထို့ပြင် စီရော်နယ်လ်ဒိုသည် စီးရီးအေချန်ပီယံဆုနှင့် အီတလီစူပါဖလားနှစ်လုံး ဆွတ်ခူးရရှိခဲ့ရာ ဥရောပထိပ်တန်းလိဂ် သုံးခုဖြစ်သည့် ပရီးမီးယားလိဂ်၊ လာလီဂါနှင့် စီးရီးအေတွင် အမှတ်ပေးချန်ပီယံဆုရယူနိုင်သည့် ပထမဆုံးကစားသမားအဖြစ် မှတ်တမ်းဝင်ထားသည်။
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
-
အလန်ရှီးယား ရွေးချယ်သည့် ပရီးမီးယားလိဂ်အကောင်းဆုံးအသင်းတွင် လီဗာပူးလ်ကစားသမား (၄)ဦးပါဝင်ပြီး မန်စီးတီးနှင့် အာဆင်နယ်မှ ပါဝင်ခြင်းမရှိ
