မန်စီးတီးအသင်းသည် အမှတ်ပေးချန်ပီယံဖြစ်ပါက ကစားသမားများကို ချီးမြှင့်ပေးနေသည့် ဆုတံဆိပ်အရေအတွက်ကို တိုးမြှင့်ပေးရန်တောင်းဆိုခဲ့သော်လည်း ပရီးမီးယားလိဂ်အဖွဲ့ချုပ်က ငြင်းဆန်ပယ်ချခဲ့သည်။
မန်စီးတီးအသင်းသည် အမှတ်ပေးချန်ပီယံဖြစ်ပါက ကစားသမားများကို ချီးမြှင့်ပေးနေသည့် ဆုတံဆိပ်အရေအတွက်ကို တိုးမြှင့်ပေးရန်တောင်းဆိုခဲ့သော်လည်း ပရီးမီးယားလိဂ်အဖွဲ့ချုပ်က ငြင်းဆန်ပယ်ချခဲ့သည်။
မန်စီးတီးအသင်းသည် ၂၀၁၈-၁၉ ရာသီက ပရီးမီးယားလိဂ်အမှတ်ပေးချန်ပီယံဆုရရှိခဲ့ရာတွင် ပရီးမီးယားလိဂ်အဖွဲ့ချုပ်သည် ဆုတံဆိပ်အရေအတွက်(၄၀)အထိ ထုတ်ပေးခဲ့သည်။
ယင်းအရေအတွက်မှာ အခြားချန်ပီယံဖြစ်ခဲ့သည့်အသင်းများထက် ပိုမိုများပြားသည့်အရေအတွက်ဖြစ်နေပြီး မန်စီးတီးအသင်း၏ နည်းပြ၊ နည်းပြအဖွဲ့ဝင်များနှင့် (၅)ပွဲနှင့်အထက်ကစားခဲ့သည့် ကစားသမားတိုင်းအတွက် ရရှိခဲ့ခြင်းလည်းဖြစ်သည်။
သို့ရာတွင် မန်စီးတီးအသင်းကမူ ယင်းကဲ့သို့ အနည်းဆုံး(၅)ပွဲကစားရမည်ဆိုသည့် စည်းမျဉ်းချမှတ်ထားမှုကို စိတ်ပျက်နေပြီး အသင်းနှင့်အတူ ပုံမှန်လေ့ကျင့်နေသည့် လူငယ်အသင်းမှ ကစားသမားများအတွက်ပါ တောင်းဆိုခဲ့ခြင်းဖြစ်သည်။
အသင်းနည်းပြ ဂွါဒီယိုလာသည် ပြီးခဲ့သည့်မေလကတည်းက ယင်းကိစ္စအတွက် ဝေဖန်ခဲ့ဖူးပြီး "တော်တော် စိတ်ပျက်စရာပဲ။ ကျွန်တော့်ကိုသာ ဆုတံဆိပ်တွေလာတောင်းရင် ကျွန်တော်ကတော့ ပေးလိုက်မှာပါ။ သူတို့လည်း ချန်ပီယံတွေပါပဲ။ သူတို့ဟာ ရာသီတစ်ခုစတင်တဲ့ ပထမဆုံးနေ့ကနေ နောက်ဆုံးနေ့အထိ လေ့ကျင့်ရေးကွင်းမှာ၊ အဝတ်လဲခန်းထဲမှာ အတူတူရှိနေတဲ့သူတွေပါ။ သူတို့ ကစားခွင့်မရဘူးဆိုတာလည်း ကျွန်တော့်ရဲ့ဆုံးဖြတ်ချက်ကြောင့်ဖြစ်ပါတယ်။ ဒီလိုလူငယ်လေးတွေအတွက် ဆုတံဆိပ်၊ (၄၊ ၅) ခုလောက် ပိုပေးရမှာကို တွန့်တိုနေတာ နားမလည်နိုင်ပါဘူး"ဟု ဆိုခဲ့ဖူးသည်။
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
-
အလန်ရှီးယား ရွေးချယ်သည့် ပရီးမီးယားလိဂ်အကောင်းဆုံးအသင်းတွင် လီဗာပူးလ်ကစားသမား (၄)ဦးပါဝင်ပြီး မန်စီးတီးနှင့် အာဆင်နယ်မှ ပါဝင်ခြင်းမရှိ
