ဂျူဗင်တပ်စ်တိုက်စစ်မှူး စီရော်နယ်လ်ဒိုသည် ၎င်း၏ကစားသမားဘဝတွင် ပထမဆုံးအကြိမ်အဖြစ် ဗိုလ်လုပွဲ(၂)ပွဲဆက် ရှုံးနိမ့်ခဲ့ကြောင်း သိရသည်။
ဂျူဗင်တပ်စ်တိုက်စစ်မှူး စီရော်နယ်လ်ဒိုသည် ၎င်း၏ကစားသမားဘဝတွင် ပထမဆုံးအကြိမ်အဖြစ် ဗိုလ်လုပွဲ(၂)ပွဲဆက် ရှုံးနိမ့်ခဲ့ကြောင်း သိရသည်။
စီရော်နယ်လ်ဒိုသည် ၂၀၁၉ နှစ်ကုန်က ကစားခဲ့သည့် အီတလီစူပါဖလားပွဲတွင် လာဇီယိုအသင်းကို ရှုံးနိမ့်ခဲ့ပြီး ပြီးခဲသည့်ဗုဒ္ဓဟူးနေ့က ယှဉ်ပြိုင်ကစားခဲ့သော ကိုပါအီတာလီယာဗိုလ်လုပွဲတွင်လည်း နာပိုလီအသင်းကို အရေးနိမ့်ခဲ့ခြင်းဖြစ်သည်။
စီရော်နယ်လ်ဒိုသည် ၎င်း၏ ကစားသမားဘဝတွင် ဗိုလ်လုပွဲ(၂)ကြိမ်ဆက် မည်သည့်အခါမျှ ရှုံးနိမ့်ခဲ့ဖူးခြင်း မရှိဘဲ ဂျူဗင်တပ်စ်အသင်းထံရောက်မှသာ အဆိုပါမှတ်တမ်းကို ကြုံတွေ့ခဲ့ ရခြင်းဖြစ်သည်။
ဂိုးမရှိသရေကျကာ ပယ်နယ်တီအဆုံးအဖြတ်ဖြင့် ဂျူဗင်တပ်စ်အသင်း ရှုံးနိမ့်ခဲ့သော အဆိုပါပွဲတွင် စီရော်နယ်လ်ဒိုကိုယ်တိုင်လည်း ခြေစွမ်းပျောက်ဆုံးခဲ့ပြီး ကန်သွင်းမှု (၃)ကြိမ်သာ ပြုလုပ်နိုင်ခဲ့သည်။ ပယ်နယ်တီအဆုံးအဖြတ် ခံယူရာတွင် စီရော်နယ်လ်ဒို၏ အလှည့်မရောက်မီ၌ နာပိုလီအသင်းက ဗိုလ်စွဲသွားခဲ့သည်။
ပွဲပြီးအင်တာဗျူးများ၌ အသင်းနည်းပြ ဆာရီက စီရော်နယ်လ်ဒိုအပါအဝင် တွဲဖက်တိုက်စစ်ကစားသမားများတွင် ထက်မြက်မှုပျောက်ဆုံးနေသည်ဟု လူသိရှင်ကြား ပြစ်တင်ခဲ့သည်။
ဆာရီက"သူ(စီရော်နယ်လ်ဒို) ဟာလည်း ဒီဘားလား၊ ဒူးဂလပ်စ်ကော်စတာတို့လိုပဲ ပုံစံကောင်းမရခဲ့ပါဘူး။ သူ အမြဲလုပ်နိုင်နေကျ ထက်မြက်မှုတွေ ဒီပွဲမှာ ပျောက်ဆုံးနေခဲ့တယ်။ ကျွန်တော် စိတ်ဆိုးဒေါသထွက်နေပြီး ကစားသမားတွေနည်းတူ စိတ်ပျက်နေပါတယ်။ ပွဲပြီးတော့ သူတို့ကို သိပ်ပြီး မပြောဆိုခဲ့ပါဘူး။ အခုအချိန်က ပါးစပ်ပိတ်ထားရမယ့်အချိန်ဖြစ်ပြီး နောက်နေ့မှ ဒီအကြောင်းတွေကို ဆွေးနွေးသွားပါမယ်"ဟု ပြောကြားခဲ့သည်။
-
ရန်ကုန်အထိုင်စျေး အခြေခံလက်ကားရည်ညွှန်းစျေးနှုန်း စားအုန်းဆီတစ်ပိဿာလျှင် ၇၁၀၅ ကျပ်ဖြစ်ပြီး ယခင်တစ်ပတ်ထက် စားအုန်းဆီရည်ညွှန်းစျေး ကျပ် ၃၈၀ မြင့်တက်
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
