ရာသီကုန်ရပ်တည်မှုများကို တစ်ပွဲပျမ်းမျှ ရမှတ်နှင့် ဆုံးဖြတ်ခဲ့ပြီး League One တွင် ကိုဗင်ထရီအသင်းမှာ ချန်ပီယံ ဖြစ်ကာ ထရန်မဲ၊ ဆောက်အန်း၊ ဘော်လ်တန် အစရှိသောအသင်းများ မှာ တန်းဆင်းခဲ့ရသည်။
League One ကလပ် ထရန် မဲအသင်း၏ ဥက္ကဋ္ဌဖြစ်သူ မာ့ခ်ပါလီယို့စ်သည် သူ၏အသင်း တန်းဆင်းသွားခြင်းအတွက် အင်္ဂလိပ်ဘောလုံး လိဂ်တာဝန်ရှိသူများကို တရားစွဲရန် စီစဉ်နေကြောင်း သိရှိရသည်။
အင်္ဂလန်လိဂ်ပြိုင်ပွဲ(၄)ခုထဲမှ ပရီးမီးယားလိဂ်နှင့် လိဂ်ချန်ပီယံရှစ် ပြိုင်ပွဲများမှာ ရာသီလက်ကျန်ပွဲစဉ်များကို ဆက်လက်ကစားသွားမည်ဖြစ် သော်လည်း League One နှင့် League Two ပြိုင်ပွဲများမှာမူ မဲခွဲဆုံးဖြတ်မှုအရ ယခုရာသီကို ဆက်မကစားဘဲ အဆုံးသတ်ခဲ့ကြသည်။ ရာသီကုန်ရပ်တည်မှုများကို တစ်ပွဲပျမ်းမျှ ရမှတ်နှင့် ဆုံးဖြတ်ခဲ့ပြီး League One တွင် ကိုဗင်ထရီအသင်းမှာ ချန်ပီယံ ဖြစ်ကာ ထရန်မဲ၊ ဆောက်အန်း၊ ဘော်လ်တန် အစရှိသောအသင်းများ မှာ တန်းဆင်းခဲ့ရသည်။
ထရန်မဲအသင်းသည် ဘောလုံးပွဲများ မရပ်နားမီ နောက်ဆုံးပွဲစဉ်(၃) ပွဲဆက် အဝေးကွင်းနိုင်ပွဲများ ရရှိခဲ့ပြီး အသင်းအနေဖြင့် ယခုရာသီကို ဆက်လက်ကစားရပါက တန်းဆင်းဇုန်မှ လွတ်မြောက်မည်ဟု အသင်းဥက္ကဋ္ဌ မာ့ခ်ပါလီယို့စ်က ယုံကြည်လျက်ရှိနေသည်။
ထို့ပြင် တန်းဆင်းသွားခဲ့ခြင်းကြောင့် ထရန်မဲအသင်းမှာ ဆုံးရှုံးနစ် နာမှု ပေါင်(၁)သန်းခန့်ရှိသည်ဟုဆိုကာ FA အမှုဆောင်ချုပ်ဟောင်းဖြစ်သူ မာ့ခ်ပါလီယို့စ်က အင်္ဂလိပ်ဘောလုံးလိဂ်တာဝန်ရှိသူများကို တရားစွဲဆိုရန် စီစဉ်နေခြင်းဖြစ်သည်။ လက်ရှိ တွင် ပါလီယို့စ်သည် တရားစွဲရန်ကိစ္စ အတွက် ရှေ့နေအဖွဲ့နှင့်တိုင်ပင်လျက် ရှိနေကြောင်း Mirror သတင်းစာက ဖော်ပြခဲ့သည်။
-
ဟေတီတွင် ရာဇဝတ်ဂိုဏ်းများနှင့် ဆက်နွှယ်သည့် အကြမ်းဖက်မှုများကြောင့် လူ ၂၀,၀၀၀ ကျော် ဘေးလွတ်ရာထွက်ပြေးတိမ်းရှောင်
-
■ စီးရီးအေ ပွဲစဉ်(၆)၊ ဂျာမန်ဖလား ပထမအဆင့်နှင့် ပြင်သစ်လီဂူး ပွဲစဉ်(၆) ပွဲကြိုသုံးသပ်ချက်
-
■ ဟူစတန်ဒိုင်နမိုအသင်းနှင့် ယှဉ်ပြိုင်ရမည့် အင်တာမိုင်ယာမီအသင်း၏ US Open Cup ဗိုလ်လုပွဲကိုလည်း မက်ဆီ လွဲချော်ဖွယ်ရှိနေ
-
ဖလားသုံးလုံးပြီးတော့ ဖလားလေးလုံး
-
လာမည့်ရာသီတွင် လာလီဂါသို့ ပြင်သစ်တိုက်စစ်မှူး ဘာပေ ရောက်ရှိလာရန် အခွင့်အရေး(၇၀)မှ (၈၀)ရာခိုင်နှုန်းအထိရှိသည်ဟု လာလီဂါဥက္ကဋ္ဌ ပြောကြား
