ဆော်ဒီအာရေဗျနိုင်ငံ၊ ရီရတ်ဒ်မြို့တွင် (၂)ရက်ကြာ ကျင်းပခဲ့သော ကုလသမဂ္ဂစက်မှု ဖွံ့ဖြိုးတိုးတက်ရေး အဖွဲ့အစည်း ၏ နိုင်ငံစုံ စက်မှု မူဝါဒဆိုင်ရာ ဖိုရမ်သို့ ဗီယင်နာမြို့ အခြေစိုက် မြန်မာအမြဲတမ်းကိုယ်စားလှယ်မှ ဖိုရမ်ဖွင့်ပွဲ၊ ပိတ်ပွဲ၊ လက်မှတ်ရေးထိုးပွဲ အခမ်းအနားများသို့ တက်ရောက်ခဲ့ကြောင်း နိုင်ငံခြားရေးဝန်ကြီးဌာန ထုတ်ပြန်ချက်အရ သိရသည်။
အဆိုပါ ဖိုရမ်ကို ဆော်ဒီအာရေဗျနိုင်ငံ၊ ရီရတ်ဒ်မြို့တွင် အောက်တိုဘာ (၂၃) ရက်မှ အောက်တိုဘာ (၂၄) ရက်အထိ ကျင်းပခဲ့ရာ ဗီယင်နာမြို့ အခြေစိုက် ကုလသမဂ္ဂနှင့် အခြားနိုင်ငံတကာအဖွဲ့အစည်းများဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးမင်းသိမ်းမှ တက်ရောက်ခဲ့သည်။
၎င်းဖိုရမ်၏ ဖွင့်ပွဲအခမ်းအနားတွင် အိမ်ရှင်ဆော်ဒီအာရေဗျနိုင်ငံ၏ စက်မှုနှင့် သယံဇာတရင်းမြစ်ဝန်ကြီးဌာန ဝန်ကြီး H.E. Mr. Bandar bin Ibrahim Alkhorayef၊ အထူးဧည့်သည်တော် စွမ်းအင်ဝန်ကြီးဌာနဝန်ကြီး မင်းသား HRH Mr. Abdulaziz Bin Salman၊ UNIDO ညွှန်ကြားရေးမှူးချုပ် Mr. Gerd Muller နှင့် ဂီနီနိုင်ငံဝန်ကြီးချုပ် H.E. Mr. Amadou Qury Bah တို့က မိန့်ခွန်းများ အသီးသီးပြောကြားခဲ့ကြသည်။
ထို့နောက် ဝန်ကြီးအဆင့် စားပွဲဝိုင်းဆွေးနွေးပွဲများနှင့် အဆင့်မြင့် စားပွဲဝိုင်းဆွေးနွေးပွဲများကို ဆက်လက်ကျင်းပခဲ့ပြီး ဖိုရမ်ကျင်းပသည့် ကာလအတွင်း မြန်မာအမြဲတမ်းကိုယ်စားလှယ်သည် ဖိုရမ်ဖွင့်ပွဲ၊ ပိတ်ပွဲ၊ လက်မှတ်ရေးထိုးပွဲ အခမ်းအနားများ၊စားပွဲဝိုင်းဆွေးနွေးပွဲများသို့ တက်ရောက်ခဲ့သည်။
ထို့ပြင် ဆော်ဒီအာရေဗျနိုင်ငံနှင့် UNIDO တို့က “Accelerating SDGs through Industry” ခေါင်းစဉ်ဖြင့် ဖွင့်လှစ်ပြသသော ပြခန်းသို့ သွားရောက်လေ့လာခဲ့ပြီး အောက်တိုဘာ (၂၃) ရက် ညနေပိုင်းတွင် ကျင်းပသော Gala Dinner သို့လည်း အမြဲတမ်းကိုယ်စားလှယ်မှ တက်ရောက်ခဲ့ကြောင်း သိရသည်။
-
မန်စီးတီးအသင်းနှင့် ဂွါဒီယိုလာ တစ်နှစ်သက်တမ်းတိုးစာချုပ် ချုပ်ဆိုရန် မူအားဖြင့် သဘောတူညီမှုရရှိခဲ့ပြီဟု ဗြိတိန်မီဒီယာများ ဖော်ပြ
-
အာမိုရင်မ်နှင့် သူငယ်ချင်းဆက်ဆံရေးကြောင့် မန်ယူအသင်းသို့ စီရော်နယ်လ်ဒို ပြန်လာနိုင်ကြောင်း အသင်းတိုက်စစ်မှူးဟောင်း ဆာဟာ သုံးသပ်
-
ဂွါဒီယိုလာကြောင့် အင်္ဂလိပ်ဘောလုံးလောကကို မန်စီးတီးအသင်း ဆက်လက်လွှမ်းမိုးမည့်အပေါ် ပြိုင်ဘက်အသင်းပရိသတ်များ စိုးရိမ်
-
မန်စီးတီး၏စိတ်ဝင်စားခြင်းကို ခံနေရပြီး ဂွါဒီယိုလာနှင့် စကားပြောဖူးသော်လည်း နယူးကာဆယ်အသင်းတွင် ပျော်ရွှင်နေကြောင်း ဂီမာရေ့စ် ဖွင့်ဟ
-
ပရီးမီးယားလိဂ်ပွဲစဉ် (၁၁) အပြီး ကိန်းဂဏန်းများ
