မြန်မာ့လက်ရွေးစင်အသင်း နည်းပြချုပ် ဂျာမနီနိုင်ငံသား အန်တွမ်နီဟေးသည် ဇန်နဝါရီလဆန်းပိုင်းတွင် မြန်မာနိုင်ငံသို့ ပြန်လည်ရောက်ရှိလာမည်ဖြစ်ကြောင်း သိရသည်။
ကိုရိုနာဗိုင်းရပ်စ်ကြောင့် မြန်မာ့လက်ရွေးစင်အသင်း၏ နိုင်ငံတကာပွဲစဉ်များ ရပ်နားထားရသလို လေ့ကျင့်မှုလည်း ပြုလုပ်နိုင်ခြင်းမရှိဘဲ ရပ်နားထားရသည်။ မြန်မာ့လက်ရွေးစင်အသင်းသည် ၂၀၁၉ ခုနှစ် နိုဝင်ဘာတွင် နိုင်ငံတကာပွဲစဉ်များ ယှဉ်ပြိုင်ကစားခဲ့ပြီးနောက်ပိုင်း တစ်နှစ်ကျော်ကြာသည်အထိ ပြိုင်ပွဲများ ယှဉ်ပြိုင်ကစားရခြင်းမရှိဘဲ ယခုနှစ်အတွင်း ခြေစမ်းပွဲနှင့် ခြေစစ်ပွဲများအပြင် လေ့ကျင့်မှုကိုပါ ရပ်နားထားရခြင်းဖြစ်သည်။ ထို့ပြင် မြန်မာနိုင်ငံ၌ ကိုရိုနာဗိုင်းရပ်စ်ကြောင့် ဘောလုံးပွဲစဉ်များ မရပ်နားခင်အချိန်မှာပင် နည်းပြချုပ် အန်တွမ်နီဟေးက နေရပ်သို့ပြန် သွားခြင်းဖြစ်ကြောင်း သိရသည်။
"နည်းပြချုပ်ကတော့ ဒီလကုန် ဒါမှမဟုတ် ဇန်နဝါရီလဆန်းမှာ မြန်မာနိုင်ငံကို ပြန်လာဖို့ရှိပါတယ်။ လက်ရှိမှာကတော့ ပြန်လာဖို့ စီစဉ်နေတယ်လို့ သိရတယ်။ လေကြောင်းလိုင်းတွေလည်း ပြန်လည်ဖွင့်ခွင့်ပေးတော့မယ်ဆိုရင် နည်းပြချုပ်အနေနဲ့လည်း မြန်မာ့လက်ရွေးစင်အသင်းရဲ့ လေ့ကျင့်မှုတွေအတွက် အလျင်အမြန်ပူးပေါင်းနိုင်တော့မှာ ဖြစ်ပါတယ်"ဟု မြန်မာနိုင်ငံဘောလုံးအဖွဲ့ ချုပ် (MFF) ၏ မီဒီယာဒါရိုက်တာ ဦးဇော်မင်းထိုက်က အတည်ပြုပြောကြားခဲ့သည်။
မြန်မာ့လက်ရွေးစင်အသင်းနည်းပြချုပ် အန်တွမ်နီဟေးအနေဖြင့် မြန်မာ့လက်ရွေးစင်အသင်း၏ လေ့ကျင့်မှုများကို ပြီးခဲ့သည့် သြဂုတ်လတွင် စတင်ပြုလုပ်ရန် ဆန္ဒရှိခဲ့သော်လည်း ကိုရိုနာဗိုင်းရပ်စ်ဖြစ်ပွားမှုကြောင့် မြန်မာနိုင်ငံသို့ လာရောက်ခွင့်မရခဲ့ခြင်းဖြစ်ကြောင်း သိရသည်။
အန်တွမ်နီဟေးသည် မြန်မာ့လက်ရွေးစင်အသင်းနှင့်ပတ်သက်သည့် လေ့ကျင့်ရေးအစီအစဉ်များ၊ ခြေစမ်းပွဲများအပါအဝင် ပြင်ဆင်မှုအပိုင်းအားလုံးကို ကိုရိုနာဗိုင်းရပ်စ်မဖြစ်ပွားမီအချိန်ကတည်းကပင် မြန်မာနိုင်ငံဘောလုံးအဖွဲ့ချုပ် (MFF) ထံ တင်ပြထားပြီးဖြစ်ကြောင်း သိရသည်။
ထို့ပြင် အန်တွမ်နီဟေးသည် မြန်မာ့လက်ရွေးစင်အသင်းတွင် ၎င်းင်းနှင့်အတူ တာဝန်ထမ်းဆောင်ရန် နိုင်ငံခြားသားလက်ထောက်နည်းပြနှင့် ဂိုးနည်းပြများ ခန့်အပ်ပေးရန် မြန်မာနိုင်ငံဘောလုံးအဖွဲ့ချုပ် (MFF) ထံ တင်ပြတောင်းဆိုထားကြောင်း သိရသည်။
အန်တွမ်နီဟေးသည် မြန်မာ့လက်ရွေးစင်အသင်း အမြန်ဆုံး လေ့ကျင့်မှု ပြန်လည်စတင်နိုင်ရန် စိတ်အားထက်သန်နေပြီး ရန်ကုန် သို့ မဟုတ် နေပြည်တော်တွင်လေ့ကျင့်ရန် စီစဉ်ထားသည်။ ထို့ကြောင့် နည်းပြချုပ်အနေဖြင့် လက်ရွေးစင်အသင်းကို ပြန်လည်ဖွဲ့စည်းရန် မြန်မာနေရှင်နယ်လိဂ်မှ ကစားသမားများကိုသာ ရွေးချယ်ရမည်ဖြစ်သည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
