MNL ကလပ် ဟံသာဝတီအသင်းသည် ၂၀၂၁ ရာသီအတွက် ပြင်ဆင်မှုများ စတင်ပြုလုပ်နေပြီဖြစ်ပြီး Southern အသင်းနှင့် လမ်းခွဲထားသည့် ဂိုးသမားပြည့်ဖြိုးအောင်ကို ခေါ်ယူရန် သဘောတူညီမှုရရှိခဲ့ကြောင်း သိရသည်။
ဟံသာဝတီအသင်းသည် ဖေဖော်ဝါရီမှသာ ရာသီသစ်အတွက် စတင်လေ့ကျင့်မည်ဖြစ်သော်လည်း ကစားသမားသစ်ခေါ်ယူမှုများ စတင်ပြုလုပ်နေပြီဖြစ်ပြီး ပထမဆုံးကစားသမားခေါ်ယူမှုအဖြစ် ပြည့်ဖြိုးအောင်ကို ခေါ်ယူရန် သဘောတူညီမှုရခဲ့ခြင်းဖြစ်သည်။
ဟံသာဝတီအသင်းသည် ပြည့်ဖြိုးအောင်ကို သုံးနှစ်စာချုပ် ချုပ်ဆိုမည်ဖြစ်ပြီး ယခုရက်ပိုင်းအတွင်း အပြီးသတ်စာချုပ် ချုပ်ဆိုမည်ဖြစ်သည်။ ပြည့်ဖြိုးအောင်သည် ပရော်ဖက်ရှင်နယ်ကစားသမားဘဝကို Southern တစ်သင်း တည်းတွင်သာ ဆယ်စုနှစ်တစ်ခုကျော်ကြာ ဖြတ်သန်းခဲ့သူဖြစ်ပြီး Southern အသင်းက လာမည့်ရာသီတွင် နုတ်ထွက်လိုကြောင်း စာတင်ပြထားသောကြောင့် နှစ်ဦးသဘောတူ လမ်းခွဲခဲ့ခြင်းဖြစ်သည်။
ဟံသာဝတီအသင်းသည် လာမည့်ရာသီတွင် ပြည်တွင်းပြိုင်ပွဲများအပြင် AFC Cup ပြိုင်ပွဲလည်း ယှဉ်ပြိုင်ရမည် ဖြစ်သောကြောင့် လက်ရွေးစင်အဆင့်ရှိကစားသမားများ အင်အားဖြည့်တင်းနေခြင်းဖြစ်သည်။ "လာမယ့်ရာသီအတွက် ခေါ်ယူဖို့ ကစားသမားတွေနဲ့ စကားပြောထားတာတွေ ရှိပါတယ်။ အရင်ဆုံး ပြည့်ဖြိုးအောင်နဲ့သဘောတူညီမှုရခဲ့တာဖြစ်ပါတယ်။ သူနဲ့ ပုဂ္ဂိုလ်ရေး ဆိုင်ရာ သဘောတူညီမှုရခဲ့တာကြောင့် အရင်ဆုံးခေါ်ယူဖြစ်သွားတာပါ။ လာမယ့်ရက်ပိုင်း အတွင်း အပြီးသတ်စာချုပ် ချုပ်ဆိုမှာဖြစ်ပြီး သုံးနှစ်စာချုပ်မှာပါ။ သူ့ကို ခေါ်ယူနိုင်ခဲ့တဲ့အတွက် ဂိုးသမားအပိုင်းမှာ အင်အားပိုတောင့်တင်းသွားပါတယ်"ဟု အုပ်ချုပ်သူ ဦးထွန်းထွန်းလင်းက ပြောကြားခဲ့သည်။
ဟံသာဝတီအသင်းသည် ရာသီကြိုကာလတွင် လက်ရွေးစင်အဆင့်ရှိ ကစားသမားများ ထပ်မံခေါ်ယူမည်ဖြစ်ပြီး ယခုလအတွင်း ကစားသမားအများစု ထပ်မံခေါ်ယူမည်ဖြစ်သည်။ ဟံသာဝတီအသင်းသည် ဂိုးသမားတစ်ဦးခေါ်ယူထားပြီးဖြစ်သောကြောင့် ခံစစ် နှင့် ကွင်းလယ်ကို ဦးစားပေးအင်အားဖြည့်တင်းမည်ဖြစ်သည်။ ဟံသာဝတီအသင်းသည် ခံစစ်အတွင်းလူ၊ ညာနောက်ခံလူ၊ ကွင်းလယ်ခံစစ်ကစားသမားနှင့် တောင်ပံကစားသမားများ ခေါ်ယူရန် စီစဉ်လျက်ရှိသည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
